Pregnant woman murdered and dismembered in Pakistan, four arrested

പാക്കിസ്ഥാനിലെ പഞ്ചാബ് പ്രവിശ്യയിലെ സിയാൽകോട്ട് ജില്ലയിൽ ഗർഭിണിയായ യുവതിയെ കൊന്ന് മൃതദേഹം കഷണങ്ങളാക്കിയ കേസിൽ നാലുപേർ അറസ്റ്റിലായി. കഴിഞ്ഞ ആഴ്ചയാണ് ഈ അതിക്രൂരമായ കൊലപാതകം നടന്നത്. യുവതിയുടെ ഭർതൃമാതാവ് സുഗ്രൻ ബീബി, മകൾ യാസ്മിൻ, ചെറുമകൻ ഹംസ, അകന്ന ബന്ധുവായ നവിദ് എന്നിവരെയാണ് പൊലീസ് അറസ്റ്റ് ചെയ്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

20കാരി സാറയെ കാണാതായതിനെ തുടർന്ന് സാറയുടെ വീട്ടുകാരുടെ പരാതിയിൽ പൊലീസ് നടത്തിയ അന്വേഷണത്തിലാണ് കൊലപാതകം വെളിച്ചത്തായത്. മൂന്ന് ചാക്കുകളിൽ കഷണങ്ങളാക്കിയ നിലയിൽ ഒരു സ്ത്രീയുടെ മൃതദേഹം പൊലീസ് കണ്ടെത്തി. ഉറങ്ങിക്കിടക്കുകയായിരുന്ന സാറയെ നാലുപേരും ചേർന്ന് തലയണ മുഖത്ത് അമർത്തിയാണ് കൊലപ്പെടുത്തിയത് എന്ന് പൊലീസ് പറഞ്ഞു.

കൊലപാതകത്തിന് ശേഷം പ്രതികൾ സാറയുടെ മുഖം കത്തിക്കുകയും മൃതദേഹം നിരവധി കഷണങ്ങളാക്കി മുറിക്കുകയും ചെയ്തു. തുടർന്ന് കഷണങ്ങളാക്കിയ മൃതദേഹം മൂന്ന് ചാക്കുകളിലാക്കി അഴുക്കുചാലിൽ തള്ളുകയും ചെയ്യുകയായിരുന്നു എന്ന് പൊലീസ് കണ്ടെത്തി. പ്രതികൾ കുറ്റം സമ്മതിച്ചതായി പൊലീസ് അറിയിച്ചു.

ഇന്ത്യയിലേക്ക് നുഴഞ്ഞുകയറാൻ പാക് ഭീകരർ; 72 ലോഞ്ച് പാഡുകൾ സജീവമാക്കി ബിഎസ്എഫ്

Story Highlights: Pregnant woman murdered and dismembered in Pakistan, four arrested including mother-in-law

പാക് സൈനിക മേധാവിയായി അസിം മുനീർ; ചരിത്രപരമായ നിയമനം