കാസർകോട് തളങ്കരയിൽ ഗർഭിണിയായ യുവതി കുളത്തിൽ മരിച്ച നിലയിൽ. തളങ്കര ബാങ്കോട്ടെ വാടക ക്വാർട്ടേഴ്സിൽ പരേതനായ അഹ്മദ് ഖാലിദ് അക്തറിന്റെയും സുബൈദയുടെയും മകൾ ഫമീദ (28) യെയാണ് മരിച്ച നിലയിൽ കണ്ടെത്തിയത്.
ബുധനാഴ്ച രാവിലെ തളങ്കരയിലെ കുളത്തിൽ മൃതദേഹം കണ്ടെത്തുകയായിരുന്നു.മുംബൈ സ്വദേശി റസൂലുമായി ഒരുവർഷം മുൻപ് വിവാഹിതയായ ഫമീദ എട്ടുമാസം ഗർഭിണിയായിരുന്നു
ഭർത്താവിൽനിന്നുള്ള മാനസിക പീഡനമാണ് ഫമീദയുടെ മരണത്തിന് പിന്നിലെ കാരണമെന്ന് ബന്ധുക്കൾ പറയുന്നു.ചൊവ്വാഴ്ച വീടുവിട്ടിറങ്ങിയ ഫമീദയെ അന്വേഷിച്ചിറങ്ങിയ ബന്ധുക്കൾ കണ്ടെത്താനാകാത്തതിനെ തുടർന്ന് വനിതാ പോലീസിൽ പരാതിപ്പെടുകയായിരുന്നു
അതിനിടെയാണ് ഫമീദയെ കുളത്തിൽ മരിച്ച നിലയിൽ കണ്ടെത്തിയത് . മൃതദേഹം പോസ്റ്റ്മോർട്ടത്തിനായി ജനറൽ ആസ്പത്രി മോർച്ചറിയിലേക്ക് മാറ്റി.
Story highlight : Pregnant woman found dead in a pond at Kasaragod.
