Poco F7 to launch in India by the end of this month

പോക്കോ എഫ് 7 ഈ മാസം അവസാനം ഇന്ത്യയിൽ പുറത്തിറക്കുമെന്ന് ഷവോമിയുടെ സബ് ബ്രാൻഡായ പോക്കോ പ്രഖ്യാപിച്ചു. പുതിയ സ്മാർട്ട് ഫോണിന്റെ വരവിനായുള്ള കാത്തിരിപ്പിലാണ് ഇപ്പോൾ ഉപഭോക്താക്കൾ. ഫ്ലിപ്കാർട്ട് പേജിൽ ലോഞ്ച് തീയതി അറിയിച്ചിട്ടില്ലെങ്കിലും യുആർഎലിൽ ഫോൺ ഈ മാസം വിപണിയിലെത്തുമെന്ന സൂചന നൽകുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുതിയ പോക്കോ എഫ് 7 നെക്കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ല. എങ്കിലും, ഈ ഫോൺ റെഡ്മി ടർബോ 4 പ്രോയ്ക്ക് സമാനമായ ഫീച്ചറുകളുള്ള ഫോണായിരിക്കുമെന്നാണ് അറിയുന്നത്. പോക്കോ എഫ് 7 റെഡ്മി ടർബോ 4 പ്രോയ്ക്ക് സമാനമാണെങ്കിൽ, ആൻഡ്രോയിഡ് 15 അടിസ്ഥാനമാക്കിയുള്ള ഹൈപ്പർ ഒഎസ് 2 ആയിരിക്കും ഈ ഡിവൈസിൽ ഉണ്ടാവുക. കൂടാതെ ഒപ്റ്റിക്കൽ ഇൻ-ഡിസ്പ്ലേ ഫിംഗർപ്രിന്റ് സ്കാനറും ഇതിൽ ഉണ്ടാകും.

പുറത്തുവന്ന റിപ്പോർട്ടുകൾ പ്രകാരം, പോക്കോ എഫ് 7 പ്രോയിൽ സ്നാപ്ഡ്രാഗണ് 8 എലൈറ്റ് 3 ചിപ്സെറ്റായിരിക്കും ഉപയോഗിക്കുക. ഇന്ത്യയിലെ ഇ-കൊമേഴ്സ് മേഖലയിലെ ഭീമനായ ഫ്ലിപ്കാർട്ടാണ് ഈ വാർത്ത പുറത്തുവിട്ടത്. 6.6 ഇഞ്ച് അമോലെഡ് ഡിസ്പ്ലെയാണ് ഈ ഫോണിനുണ്ടാവുക.

ഈ സ്മാർട്ട് ഫോണിൽ 50MP ഡ്യുവൽ റിയർ കാമറ സിസ്റ്റം ഉണ്ടാകും. അതുപോലെ 90W വയർഡ് ഫാസ്റ്റ് ചാർജിങ് പിന്തുണയുള്ള 5,830mAh ബാറ്ററിയും ഇതിലുണ്ടായിരിക്കും. പോക്കോ എഫ് 7ന്റെ ചൈനീസ് പതിപ്പിൽ പച്ച, കറുപ്പ്, വെള്ള എന്നീ നിറങ്ങളിലാണ് പുറത്തിറങ്ങിയിരിക്കുന്നത്.

സ്മാർട്ട്ഫോണിലെ ഈ ചെറിയ ഹോൾ എന്തിനാണെന്ന് അറിയാമോ?

പോക്കോ എഫ് 7 ന്റെ ഇന്ത്യൻ വിപണിയിലെ വിലയെക്കുറിച്ച് വ്യക്തമായ സൂചനകളില്ല. എങ്കിലും ഏകദേശം 30,000 മുതൽ 35,000 രൂപ വരെ വിലയുണ്ടാകുമെന്നാണ് കണക്കാക്കുന്നത്. ഈ കളർ ഓപ്ഷനുകൾ തന്നെയാണോ ഇന്ത്യയിലേക്ക് എത്തുന്നത് എന്ന കാര്യത്തിലും വ്യക്തതയില്ല.

ഓരോ ഫീച്ചറുകളും മികച്ച രീതിയിൽ ഉൾപ്പെടുത്തിയാണ് ഈ ഫോൺ പുറത്തിറങ്ങുന്നത്. അതുകൊണ്ടുതന്നെ വിപണിയിൽ വലിയ ചലനം സൃഷ്ടിക്കാൻ പോക്കോ എഫ് 7 ന് സാധിക്കുമെന്നാണ് വിലയിരുത്തൽ. ഈ ഫോണിന്റെ കൂടുതൽ വിവരങ്ങൾക്കായി കാത്തിരിക്കുകയാണ് സൈബർ ലോകം.

Story Highlights: ഷവോമിയുടെ പോക്കോ എഫ് 7 സ്മാർട്ട്ഫോൺ ഈ മാസം അവസാനത്തോടെ ഇന്ത്യൻ വിപണിയിൽ അവതരിപ്പിക്കും.

സ്മാർട്ട്ഫോണിലെ ഈ ചെറിയ ഹോൾ എന്തിനാണെന്ന് അറിയാമോ?