Flipkart Bye Bye Sale: Nothing Phones Get Massive Price Cuts

ഓരോ സീസണിലും ആകർഷകമായ ഓഫറുകളുമായി ആമസോണും ഫ്ലിപ്കാർട്ടും ഉപഭോക്താക്കൾക്കായി മത്സരിക്കുമ്പോൾ, ഇത്തവണ ഫ്ലിപ്കാർട്ടിന്റെ ബൈ ബൈ സെയിൽ ശ്രദ്ധ നേടുന്നു. നത്തിങ് ഫോണുകൾ സ്വന്തമാക്കാൻ കാത്തിരിക്കുന്നവർക്ക് ഈ സെയിൽ ഒരു സുവർണ്ണാവസരമാണ്. ഇന്ന് മുതൽ ഇന്ത്യയിൽ ആരംഭിക്കുന്ന ഈ ഓഫർ സെയിലിൽ നത്തിങ് സ്മാർട്ട് ഫോണുകൾക്കും മറ്റ് സിഎംഎഫ് ഉൽപ്പന്നങ്ങൾക്കും വലിയ വിലക്കുറവുകളാണ് പ്രഖ്യാപിച്ചിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നത്തിങ് ഫോൺ 3A സീരീസിനും, സിഎംഎഫ് ഫോൺ 2 പ്രോ, സിഎംഎഫ് ബഡ്സ് 2എ, ബഡ്സ് 2, ബഡ്സ് 2 പ്ലസ് തുടങ്ങിയ മോഡലുകൾക്കും ഈ ഓഫർ ലഭ്യമാകും. അതുപോലെ സിഎംഎഫ് വാച്ച് പ്രോ 2 വിലക്കുറവിൽ സ്വന്തമാക്കാം. നത്തിങ്ങിന്റെ ഫ്ലാഗ്ഷിപ്പ് ഫോണായ നത്തിങ് 3 അടക്കമുള്ളവയ്ക്ക് ഓഫറുകൾ ഉണ്ടാകും.

‘CMF ബൈ Nothing’ ഓഡിയോ ഡിവൈസുകൾക്കും ആകർഷകമായ ഓഫറുകൾ ഉണ്ടാകും. CMF Buds 2a ട്രൂ വയർലെസ് സ്റ്റീരിയോ (TWS) ഇയർഫോണുകൾ 1,899 രൂപയ്ക്ക് സ്വന്തമാക്കാം, ഇതിന്റെ യഥാർത്ഥ വില 2,199 രൂപയാണ്. CMF Buds 2ന്റെ വില 2,699 രൂപയിൽ നിന്നും 2,399 രൂപയായി കുറയും. CMF Buds 2 Plus 3,299 രൂപയ്ക്ക് പകരം 2,599 രൂപയ്ക്ക് ലഭ്യമാകും.

നത്തിങ് ഫോൺ 3, 12 ജിബി + 256 ജിബി വേരിയന്റിന് 79,999 രൂപ വിലയിൽ നിന്നും 49,999 രൂപയായി കുറയാൻ സാധ്യതയുണ്ട്. തിരഞ്ഞെടുക്കപ്പെട്ട ക്രെഡിറ്റ് കാർഡ്, ഡെബിറ്റ് കാർഡ് ഉപയോഗിക്കുന്നവർക്ക് കൂടുതൽ ഇളവുകൾ ലഭിക്കും.

നത്തിങ് ഫോൺ 3എ 21,999 രൂപയ്ക്കും ഫോൺ 3എ പ്രോ 26,999 രൂപയ്ക്കും സിഎംഎഫ് ഫോൺ 2 പ്രോ 17,499 രൂപയ്ക്കും ലഭ്യമാകും.

Story Highlights: ഫ്ലിപ്കാർട്ട് ബൈ ബൈ സെയിലിൽ നത്തിങ് ഫോണുകൾക്കും സിഎംഎഫ് ഉൽപ്പന്നങ്ങൾക്കും ആകർഷകമായ വിലക്കുറവ്.

ഐഫോൺ 16 പ്രോ മാക്സിന് വില കുറയുമോ? ഫ്ലിപ്പ്കാർട്ട് ബിഗ് ബില്യൺ ഡേയ്സ് സെയിൽ സെപ്റ്റംബർ 23-ന് ആരംഭിക്കും