പെട്രോൾ, ഡീസൽ വിലയിൽ ഇന്നും വർധനവ്.

രാജ്യത്ത് ഇന്ധന വില ഇന്നും വർധിച്ചു.പെട്രോളിനും ഡീസലിനും ലിറ്ററിന് 48 പൈസയാണ് കൂടിയത്.

ഇതോടെ സംസ്ഥാനത്ത് പെട്രോൾ വില 112 കടന്നു.തിരുവനന്തപുരത്ത് പെട്രോളിന് 112.25 രൂപയും ഡീസലിന് 105.94 രൂപയുമാണ്.

കോഴിക്കോട് പെട്രോളിന് 110. 40 രൂപയും ഡീസലിന് 104.30 രൂപയുമാണ് നിലവിലെ നിരക്ക്.

ഒരു മാസത്തിനിടെ പെട്രോളിന് 7 രൂപ 92 പൈസയും ഡീസലിന് 8 രൂപ 95 പൈസയുമാണ് വർധിച്ചത്.

ഇന്ധന വിലവർധനക്കെതിരെ എറണാകുളം ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ ഇന്ന് പ്രതിഷേധം നടത്തും.

രാവിലെ 11 മുതൽ ഒരു മണിക്കൂർ കാറുകളും മുച്ചക്രവാഹനങ്ങളും ഉപയോഗിച്ച്  ഇടപ്പളളി- വൈറ്റില ബൈപ്പാസിൽ ഉപരോധിക്കുമെന്ന് ഡി സി സി അറിയിച്ചു.

Story highlight : Petrol and diesel prices increased.