Jewelry store owners robbed in Perinthalmanna, 4 arrested

മലപ്പുറം പെരിന്തൽമണ്ണയിൽ ജ്വല്ലറി ഉടമയെ സ്കൂട്ടർ ഇടിച്ചുവീഴ്ത്തി മൂന്നര കിലോ സ്വർണം കവർന്ന സംഭവത്തിൽ നാലുപേർ പിടിയിലായി. പെരിന്തൽമണ്ണ ടൗണിലെ എം കെ ജ്വല്ലറി അടച്ച് മടങ്ങുകയായിരുന്ന ഉടമ കിനാതിയിൽ യൂസഫിനെയും സഹോദരൻ ഷാനവാസിനെയുമാണ് കാറിൽ എത്തിയ സംഘം ജൂബിലി ജംഗ്ഷന് സമീപത്ത് വച്ച് ഇടിച്ചു വീഴ്ത്തി കവർച്ച നടത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംഭവത്തിൽ തൃശൂർ കണ്ണൂർ സ്വദേശികളായ ലിജിൻ രാജൻ, നിഖിൽ, സജിത്ത് സതീഷ്, പ്രബിൻ ലാൽ എന്നിവരാണ് തൃശൂർ ഈസ്റ്റ് പൊലീസിന്റെ പിടിയിലായത്. സംഘത്തിലുള്ള മറ്റ് അഞ്ചുപേർക്കായി തിരച്ചിൽ പുരോഗമിക്കുകയാണ്. ഇന്നലെ രാത്രിയാണ് സംഭവം നടന്നത്. ഉടമകളുടെ കൈയ്യിൽ സ്വർണ്ണം ഉണ്ടായിരുന്നുവെന്ന വിവരത്തിന്റെ അടിസ്ഥാനത്തിലാണ് പ്രതികൾ കവർച്ച നടത്തിയതെന്നാണ് പൊലീസിന്റെ നിഗമനം.

പ്രതികൾ സഞ്ചരിച്ച വാഹനം തൃശൂർ ഭാഗത്തേക്ക് പ്രവേശിച്ചുവെന്ന വിവരത്തിന്റെ അടിസ്ഥാനത്തിൽ നടത്തിയ വാഹന പരിശോധനയിലാണ് ഇവർ പിടിയിലായത്. സ്വർണ്ണം കണ്ടെടുക്കുന്നതിനും മറ്റു പ്രതികൾക്കുമായി പൊലീസ് അന്വേഷണം ഊർജിതമാക്കിയിട്ടുണ്ട്. യൂസഫും ഷാനവാസും പരുക്കേറ്റ് ചികിത്സയിൽ കഴിയുകയാണ്.

രാഹുൽ മാങ്കൂട്ടത്തിലിനെതിരെ ആരോപണമുന്നയിച്ച നടി റിനി ആൻ ജോർജ്ജ് സിപിഐഎം വേദിയിൽ; പ്രതികരണവുമായി കെ.കെ. ശൈലജ

Story Highlights: Jewelry store owners robbed of 3.5 kg gold in Perinthalmanna, Malappuram; four suspects arrested

കാസർഗോഡ് കരിന്തളത്ത് അയൽവാസി വയോധികനെ തലയ്ക്കടിച്ച് കൊന്നു