Youth Dies in Pathanamthitta House Fire; Son Suspected of Arson

**പത്തനംതിട്ട◾:** കോന്നി ഇളകൊള്ളൂരിൽ വീടിന് തീപിടിച്ച് യുവാവ് മരിച്ച സംഭവത്തിൽ പുതിയ വിവരങ്ങൾ പുറത്ത്. മദ്യലഹരിയിലായിരുന്ന മകൻ മനോജ് വീടിന് തീയിട്ടതാണെന്നാണ് പോലീസിന്റെ പ്രാഥമിക നിഗമനം. വീട്ടിൽ വഴക്ക് പതിവായിരുന്നുവെന്ന് അയൽവാസികൾ പറയുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മകൻ വീടിന് തീയിടുമ്പോൾ മാതാപിതാക്കൾ പുറത്തേക്ക് ഓടിയെന്നും അയൽവാസികൾ പറഞ്ഞു. ഉഗ്രശബ്ദത്തോടെയാണ് തീ ആളിപ്പടർന്നതെന്നും നാട്ടുകാരനായ ശശിധരൻ പറഞ്ഞു. കുടുംബാംഗങ്ങൾ എല്ലാവരും മദ്യലഹരിയിലായിരുന്നുവെന്ന് അയൽക്കാരി ശാരദയും സാക്ഷ്യപ്പെടുത്തി.

കഴിഞ്ഞ ദിവസം മദ്യപാനത്തിനിടെ മനോജ് മാതാപിതാക്കളുമായി തർക്കത്തിൽ ഏർപ്പെട്ടിരുന്നു. തുടർന്നാണ് മനോജ് വീടിന് തീയിട്ടതെന്നാണ് പോലീസ് സംശയിക്കുന്നത്. പ്രശ്നം തുടങ്ങിയപ്പോൾ തന്നെ പിതാവ് വീട്ടിൽ നിന്ന് ഇറങ്ങിപ്പോയിരുന്നു. മാതാവ് വനജയും പ്രശ്നം മനസ്സിലാക്കി പുറത്തേക്ക് ഓടിയെന്നും പോലീസ് പറയുന്നു.

ഷോർട്ട് സർക്യൂട്ടാണ് തീപിടിത്തത്തിന് കാരണമെന്ന സാധ്യതയും പോലീസ് തള്ളിക്കളയുന്നില്ല. വീട് പൂർണമായും കത്തിനശിച്ചു. ഫയർഫോഴ്സ് നടത്തിയ പരിശോധനയിലാണ് മനോജിനെ മരിച്ച നിലയിൽ കണ്ടെത്തിയത്. സംഭവത്തിൽ പോലീസ് ഫോറൻസിക് പരിശോധന നടത്തും. അമ്മ ഉൾപ്പെടെയുള്ള ബന്ധുക്കളുടെ മൊഴി രേഖപ്പെടുത്തുമെന്നും പോലീസ് അറിയിച്ചു.

അയൽവാസികളുടെ ആക്രമണത്തിൽ വീട്ടമ്മ മരിച്ചു

Story Highlights: A young man died in a house fire in Pathanamthitta, with neighbors suggesting frequent family disputes and the possibility of the son setting the fire while intoxicated.

കോന്നിയിൽ വീടിന് തീപിടിച്ച് ഒരാൾ മരിച്ചു