Cheteshwar Pujara's brother-in-law found dead in Rajkot

രാജ്കോട്ട് (ഗുജറാത്ത്)◾: മുൻ ഇന്ത്യൻ ക്രിക്കറ്റ് താരം ചേതേശ്വർ പൂജാരയുടെ ഭാര്യ സഹോദരൻ ജീത് പബാരിയെ രാജ്കോട്ടിലെ വീട്ടിൽ മരിച്ച നിലയിൽ കണ്ടെത്തി. ഹരിഹർ സൊസൈറ്റിയിലെ വീട്ടിലെ കിടപ്പുമുറിയിൽ ബുധനാഴ്ച ജീതിനെ തൂങ്ങിമരിച്ച നിലയിലാണ് കണ്ടത്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. പോസ്റ്റ്മോർട്ടം റിപ്പോർട്ട് ലഭിച്ച ശേഷം കൂടുതൽ വിവരങ്ങൾ ലഭ്യമാകും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുപ്പതുകാരനായ ജീത് പബാരി ആത്മഹത്യ ചെയ്തതാണെന്ന് എസിപി ബി.ജെ. ചൗധരി അറിയിച്ചു. സാമ്പത്തിക ബാധ്യതകളൊന്നും ജീതിന് ഉണ്ടായിരുന്നില്ലെന്നും ആത്മഹത്യാക്കുറിപ്പ് കണ്ടെടുത്തിട്ടില്ലെന്നും പോലീസ് പറഞ്ഞു. പൂജയുടെ സഹോദരനാണ് ജീത് പബാരി. രാവിലെ 11 മണിയോടെ വീടിന്റെ മുകൾനിലയിലുള്ള കിടപ്പുമുറിയിലാണ് ജീതിനെ തൂങ്ങിമരിച്ച നിലയിൽ കണ്ടെത്തിയത്.

കഴിഞ്ഞ വർഷം നവംബർ 26-നാണ് ജീതിനെതിരെ ഒരു യുവതി പീഡന പരാതി നൽകിയത്. അതേ തീയതിയിൽ തന്നെ ജീത് ജീവനൊടുക്കിയത് ശ്രദ്ധേയമാണ്. വിവാഹാലോചനയുടെ ഭാഗമായി പരിചയപ്പെട്ട യുവതിയും ജീതുമായി വിവാഹം നിശ്ചയിച്ചിരുന്നെങ്കിലും പിന്നീട് അത് വേണ്ടെന്ന് വെച്ചു. ഇതിനെ തുടർന്നാണ് യുവതി പീഡന പരാതി നൽകിയത്.

തുടർന്ന് യുവതി നൽകിയ പരാതിയിൽ ജീത് ഗുജറാത്ത് ഹൈക്കോടതിയിൽ നിന്ന് മുൻകൂർ ജാമ്യം നേടിയിരുന്നു. ഈ കേസിൽ പൊലീസ് കുറ്റപത്രം സമർപ്പിച്ചിട്ടുണ്ട്. ബിസിനസുകാരനായിരുന്ന ജീതിന് കാര്യമായ സാമ്പത്തിക ബാധ്യതകൾ ഉണ്ടായിരുന്നില്ലെന്ന് പോലീസ് പറയുന്നു.

പാലക്കാട് സി.പി.ഐ.എം ഓഫീസിൽ തൂങ്ങിമരണം

കുടുംബാംഗങ്ങൾ പറയുന്നതനുസരിച്ച് ജീത് രണ്ട് മാസത്തിലേറെയായി വിഷാദത്തിലായിരുന്നു. സംഭവസമയത്ത് ജീതിന്റെ ഭാര്യയും അമ്മയുമാണ് വീട്ടിലുണ്ടായിരുന്നത്. കൂടുതൽ വിവരങ്ങൾ പോസ്റ്റ്മോർട്ടം റിപ്പോർട്ടിന് ശേഷം ലഭ്യമാകും.