Palakkad Drug Bust: 3 Get 15 Years, 4th Arrest Recorded

◾757.45 കിലോ ഗ്രാം കഞ്ചാവാണ് പ്രതികൾ ലോറിയിൽ കടത്തിയത്.
പാലക്കാട്◾ രാജ്യത്ത് പിടിക്കപ്പെട്ടതിൽ കര മാർഗമുള്ള രണ്ടാമത്തെ ഏറ്റവും വലിയ കഞ്ചാവ് കടത്ത് കേസിലെ പ്രതികൾക്ക് പതിനഞ്ച് വർഷം കഠിന തടവും 1.5 ലക്ഷം രൂപ വീതം പിഴയും. ലോറിയിൽ കടത്തിയ 757.45 കിലോ ഗ്രാം കഞ്ചാവ് ആണ് പ്രതികളിൽ നിന്ന് പിടികൂടിയത്. മലപ്പുറം പെരിന്തൽമണ്ണ എടപ്പറ്റ മേലാറ്റൂർ എപ്പിക്കാട് തയ്യിൽ എൻ. ബാദുഷ(30), അമ്പായപറമ്പിൽ വാക്കയിൽ എച്ച്. മുഹമ്മദ് ഫായിസ്(25), ഇടുക്കി കട്ടപ്പന നരിയമ്പാറ വരകമലയിൽ ജിഷ്ണു ബിജു(28) എന്നിവർക്കാണ് കഠിന തടവും പിഴയും വിധിച്ചത്. പാലക്കാട് മൂന്നാം സെഷൻസ് കോടതി ജഡ്ജി കെ.പി തങ്കച്ചന്റേതാണ് വിധി. പിഴ അടച്ചില്ലെങ്കിൽ ഒരു വർഷം അധിക തടവ് അനുഭവിക്കേണ്ടി വരും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എൻ. ബാദുഷ കേസിൽ ജാമ്യത്തിൽ ഇറങ്ങിയ ശേഷം വീണ്ടും മറ്റൊരു കഞ്ചാവ് കടത്ത് കേസിലും അനധികൃത മദ്യ വിൽപന നടത്തിയ കേസിലും പ്രതിയായിരുന്നു. ഈ കേസിലെ മറ്റൊരു പ്രതി തിരുവനന്തപുരം കാട്ടാക്കട കുളത്തുമ്മൽ പനയംകോട് പാറവിളക്കത്ത് വീട്ടിൽ എ. സതീഷ്(ഉണ്ണി– 32) സംഭവ സമയത്ത് അറസ്റ്റിലായിരുന്നില്ല. മറ്റൊരു ലഹരിക്കടത്ത് കേസിൽ ജൂഡീഷ്യൽ കസ്റ്റഡിയിലായിരുന്ന ഇയാളുടെ അറസ്റ്റ് രേഖപ്പെടുത്തിയിട്ടുണ്ട്. ഇയാളുടെ വിചാരണ പിന്നീട് നടക്കുമെന്നാണ് വിവരം.

വയനാട് പുൽപ്പള്ളിയിൽ സ്കൂൾ വിദ്യാർത്ഥികൾക്ക് ഭക്ഷ്യവിഷബാധ

2021 ഏപ്രിൽ 22 ന് ആയിരുന്നു കേസിനാസ്പദമായ സംഭവം. രഹസ്യ വിവരത്തെ തുടർന്ന് എക്സൈസ് എൻഫോഴ്സ്മെന്റ് ആൻഡ് ആന്റി നർക്കോട്ടിക് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ പി. സതീഷിന്റെ നേതൃത്വത്തിലുള്ള പരിശോധനയ്ക്കിടെ വാളയർ ഭാഗത്ത് നിന്നും നിർത്താതെ പോയ ലോറി പിന്തുടർന്ന് അതിസാഹസികമായി പിടികൂടുകയായിരുന്നു. ലോറിയിൽ പ്രത്യേക നിർമിച്ചെടുത്ത രഹസ്യ അറയിൽ 328 ചാക്കുകളിയാലാണ് കഞ്ചാവ് സൂക്ഷിച്ചിരുന്നത്. ആന്ധ പ്രദേശിലെ നരസിംപട്ടത്തിൽ നിന്നു മൊത്തക്കച്ചവടക്കാർക്ക് വിതരണം ചെയ്യാനാണ് കഞ്ചാവ് എത്തിച്ചത്.

എറണാകുളം എക്സൈസ് ക്രൈം ബ്രാഞ്ച്് അസിസ്റ്റന്റ് എക്സൈസ് കമ്മീഷണർമാരായ അഗസ്റ്റിൻ ജോസഫ്, എം. കാസിം, എന്നിവർ ചേർന്നാണ് കേസിന്റെ അന്തിമ അന്വേഷണ റിപ്പോർട്ട് സമർപ്പിച്ചത്. പ്രോസിക്യൂഷനായി പബ്ലിക് പ്രോസിക്യൂട്ടർ അഡ്വ. പി. അനിൽ, സ്പെഷ്യൽ പ്രോസിക്യൂട്ടർ അഡ്വ. ശ്രീനാഥ് വേണു, അഡീഷണൽ പബ്ലിക് പ്രോസിക്യൂട്ടർ അഡ്വ. എസ്. സിദ്ധാർഥൻ എന്നിവർ ഹാജരായി. 18 സാക്ഷികളെ വിസ്തരിച്ചു. 59 രേഖകൾ കൈമാറി. അന്വേഷണ വേളയിൽ ഇരുപതളം ഇടങ്ങളിൽ ഐക്സൈസ് തെളിവെടുപ്പ് നടത്തി. മുപ്പതോളം മൊബൈൽ ഫോണുകൾ പരിശോധിച്ചു.

പാലക്കാട് നഗരസഭയിൽ കോൺഗ്രസ് സ്ഥാനാർത്ഥിയെ പിൻവലിക്കാൻ ബിജെപി ശ്രമിക്കുന്നുവെന്ന് ആരോപണം

Story Highlights: Three individuals received 15-year prison sentences and fines for a significant drug trafficking case in Palakkad, while a fourth suspect’s arrest was recorded.

മെഡിക്കൽ കോളേജ് ഒ.പി. ബഹിഷ്കരണം; മനുഷ്യാവകാശ കമ്മീഷൻ റിപ്പോർട്ട് തേടി