പാലാ രൂപതയുടെ കുടുംബ വർഷം 2021ന്റെ ഭാഗമായുള്ള പദ്ധതികൾ പ്രഖ്യാപിച്ച പോസ്റ്റിലാണ് പ്രസവങ്ങളെ പ്രോത്സാഹിപ്പിക്കുന്നത്.
മൂന്നു കുട്ടികളിൽ കൂടുതൽ ഉള്ളവർക്കാണ് ആനുകൂല്യങ്ങൾ പ്രഖ്യാപിച്ചത്. സ്കോളർഷിപ്പും സൗജന്യ പ്രസവവും പ്രതിമാസം 1500 രൂപ സഹായവും പോസ്റ്റിൽ വാഗ്ദാനം ചെയ്തിരുന്നു.
2000ത്തിന് ശേഷം വിവാഹം കഴിച്ചവർക്ക് 5 കുട്ടികളിൽ കൂടുതൽ ഉണ്ടെങ്കിൽ പ്രതിമാസം 1500 രൂപയും കുട്ടികളുടെ ജനനവുമായി ബന്ധപ്പെട്ട ആശുപത്രി സൗകര്യങ്ങളും ലഭിക്കും.
തുടർന്ന് നാലാമതും പിന്നീടും ജനിക്കുന്ന കുട്ടികൾക്ക് പാലാ സെന്റ് ജോസഫ് കോളേജ് ഓഫ് എൻജിനിയറിങ്ങ് ആൻഡ് ടെക്നോളജിയിൽ സൗജന്യ പഠന സൗകര്യവും നൽകുന്നതാണ്. ഇത്തരത്തിലുള്ള വാഗ്ദാനങ്ങളാണ് പാലാ രൂപതയുടെ ഔദ്യോഗിക ഫേസ്ബുക്ക് പേജിൽ പ്രത്യക്ഷപ്പെട്ടത്.
സമൂഹമാധ്യമങ്ങളിൽ ചർച്ചയാവുകയും വിമർശനത്തിന് ഇടയാക്കുകയും ചെയ്തതോടെ പാലാ രൂപത ഫേസ്ബുക്ക് പോസ്റ്റ് പിൻവലിച്ചു. എന്നാലും സഭയുടെ നിലപാടിൽ മാറ്റം ഇല്ലെന്നാണ് വിവരം.
Story Highlights: Pala diocese to support families with more than 3 children.
