സംസ്ഥാനത്ത് ബക്രീദ് പ്രമാണിച്ച് ലോക്ഡൗൺ ഇളവുകൾ നൽകിയതിൽ തെറ്റില്ലെന്ന് മുൻ മുഖ്യമന്ത്രിയും മുതിർന്ന കോൺഗ്രസ് നേതാവുമായ ഉമ്മൻചാണ്ടി പ്രതികരിച്ചു. ബക്രീദ് എന്നാൽ ഒരു വലിയ വിഭാഗത്തിന്റെ വിശ്വാസത്തിന്റെ ഭാഗമാണെന്ന് ഉമ്മൻചാണ്ടി പറഞ്ഞു.
മനു അഭിഷേക് സിംങ്‍വിയുടെ വിമർശനത്തെ തുടർന്നാണ് ഉമ്മൻചാണ്ടിയുടെ പ്രതികരണം ഉണ്ടായത്.
മറ്റു സംസ്ഥാനങ്ങളിൽ പ്രധാനപ്പെട്ട തീർത്ഥാടനങ്ങൾ മാറ്റിവെയ്ക്കുമ്പോൾ കേരളം ഇപ്പോഴും കോവിഡ് കിടക്കയിൽ ആണെന്ന കാര്യം മറക്കരുതെന്നാണ് മുതിർന്ന കോൺഗ്രസ് നേതാവായ മനു അഭിഷേക് സിംങ്‍വി ഇന്നലെ പറഞ്ഞത്.
അതേസമയം സംസ്ഥാനത്തെ ലോക്ഡൗണിൽ പൊതു ഇളവുകൾ നൽകുന്നതിൽ ഇന്ത്യൻ മെഡിക്കൽ അസോസിയേഷൻ ഉൾപ്പെടെയുള്ള ആരോഗ്യ സംവിധാനങ്ങളുടെയും വിദഗ്ധസമിതിയുടെയും അഭിപ്രായം കണക്കിലെടുക്കണമെന്ന് ഉമ്മൻചാണ്ടി പറഞ്ഞു.
Story Highlights: oommen chandi’s response about bakrid lockdown relaxations in kerala
