ബെംഗളൂരു : ദീപാവലി ആഘോഷത്തിന്റെ ഭാഗമായി പടക്കം പൊട്ടിക്കുന്നതിലുണ്ടായ തർക്കത്തിനിടെ അയൽക്കാരൻ കുത്തേറ്റ് മരിച്ചു.കർണാടകയിലെ മംഗളൂരുവിലാണ് സംഭവം നടന്നത്.സംഭവത്തിൽ അയൽക്കാരനായ വിനായക കാമത്ത് ആണ് കൊല്ലപ്പെട്ടത്.
ദീപാവാലി ആഘോഷത്തിന്റെ ഭാഗമായി വെങ്കടേശ്വ അപാർട്മെന്റിലെ കാർ പാർക്കിംഗ് സമീപത്തായി വിനായക കാമത്ത് പടക്കം പൊട്ടിച്ചതാണ് പ്രശ്നങ്ങളിലേക്ക് നയിച്ചത്.വിനായക കാമത്ത് പടക്കം പൊട്ടിക്കുന്നത് കണ്ട കൃഷ്ണാനന്ദ കിനിയും ഇയാളുടെ മകൻ അവിനാശും കാമത്തിനോട് തർക്കിക്കുകയും തർക്കംമൂത്ത് കൈയാങ്കളിയിലെത്തുകയും ചെയ്‌തു.തുടർന്ന് അച്ഛനും മകനും ചേർന്ന് വിനായക കാമത്തിനെ കുത്തി കൊലപ്പെടുത്തുകയായിരുന്നുവെന്നാണ് മംഗളൂരു സിറ്റി പോലീസ് പറയുന്നത്.
കുത്തേറ്റ ഉടൻ തന്നെ കാമത്തിനെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.
അദ്ദേഹത്തിന്റെ കുടുംബം നൽകിയ പരാതിയിൽ കൃഷ്ണാനന്ദ കിനിയ്ക്കെതിരെയും മകൻ അവിനാശിനെതിരെയും പോലീസ് കേസെടുത്തിട്ടുണ്ട്. പോലീസ് സംഭവസ്ഥലത്തെ സിസിടിവി ദൃശ്യങ്ങളും പരിശോധിച്ചുവരികയാണ്.
Story highlight : One person was stabbed to death in quarrel while bursting crackers in Karnataka.
