അര്‍ബുദരോഗ ചികിത്സാവിദഗ്ധന്‍ ഡോ.എം. കൃഷ്ണന്‍ നായര്‍ അന്തരിച്ചു.

മുതിർന്ന അർബുദ രോഗ ചികിത്സാവിദഗ്ധൻ ഡോ.എം. കൃഷ്ണൻ നായർ(81) അന്തരിച്ചു.

തിരുവനന്തപുരം ശാസ്തമംഗലത്ത് അദ്ദേഹത്തിന്റെ വസതിയിലായിരുന്നു അന്ത്യം.

അർബുദബാധിതനായി ചികിത്സയിൽ കഴിയുകയായിരുന്നു അദ്ദേഹം.

അർബുദ രോഗ ചികിത്സാ മേഖലയിലെ നിരവധി സംഭാവനകൾ നൽകിയ അദ്ദേഹം പദ്മശ്രീ പുരസ്‌കാരത്തിനു അർഹനായിട്ടുണ്ട്.

കേരളത്തിലെ ക്യാൻസർ ചികിത്സ രംഗത്ത് നൂതനമായ മാറ്റങ്ങൾക്ക് തുടക്കം കുറിക്കാൻ അദ്ദേഹത്തിനു കഴിഞ്ഞിട്ടുണ്ട്.

ലോകാരോഗ്യ സംഘടനയിലെ കാൻസർ ഉപദേശകസമിതി അംഗമായും, കൊച്ചി അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ റിസർച്ച് പ്രൊഫസറായും അദ്ദേഹം സേവനം അനുഷ്ഠിച്ചിട്ടുണ്ട്.

കമ്മ്യൂണിറ്റി ഓങ്കോളജി, പെയിൻ ആൻഡ് പാലിയേറ്റിവ് കെയർ, പീഡിയാട്രിക് ഓങ്കോളജി എന്നീ മേഖലകളിൽ ഒട്ടേറെ പദ്ധതികൾ അദ്ദേഹം നടപ്പിലാക്കിയിട്ടുണ്ട്.

ഇന്ത്യയിലെ തന്നെ ഏറ്റവും മികച്ച ക്യാൻസർ സെന്ററായി ആർ.സി.സിയെ മാറ്റിയതിൽ കൃഷ്ണൻ നായരുടെ പങ്ക് വളരെ വലുതാണ്.

Story highlight : Oncologist Dr.M.Krishnan Nair passed away.