ആലപ്പുഴ : വീട്ടിൽ വെള്ളം കയറിയതിനെ തുടർന്ന് അയൽവാസിയുടെ വീടിന്റെ മുകളിൽ ഉറങ്ങാൻ കിടന്ന വൃദ്ധയെ പിറ്റേദിവസം വെള്ളക്കെട്ടിൽ വീണു മരിച്ച നിലയിൽ കണ്ടെത്തി.
നീരേറ്റുപുറം കുമ്മാട്ടി പരേതനായ കുഞ്ഞച്ചന്റെ ഭാര്യ അന്ന (75)യെ ആണ് മരിച്ച നിലയിൽ കണ്ടെത്തിയത്.
വീട്ടിൽ വെള്ളം കയറിയതിനെ തുടർന്ന് അയൽവാസിയുടെ വീടിന്റെ മുകളിൽ ഇന്നലെ രാത്രി എട്ടുമണിക്ക് മകൻ ബെന്നിച്ചനോടൊപ്പം ഉറങ്ങാൻ കിടന്നതായിരുന്നു അന്ന.
രാത്രി ഒരു മണിയോടെ ഉറക്കത്തിൽ നിന്നും ഉണർന്ന ബെന്നിച്ചൻ അമ്മയെ കാണാത്തതിനെ തുടർന്ന് നടത്തിയ തിരച്ചിലിനൊടുവിലാണ് വൃദ്ധയെ വെള്ളത്തിൽ മരിച്ച നിലയിൽ കണ്ടെത്തിയത്.
വീടിന് മുകളിൽ നിന്നും കോണിയിറങ്ങി വരുമ്പോൾ കാൽ തെറ്റിയതാകാമെന്നാണ് പ്രാഥമിക നിഗമനം.
പോലീസ് സ്ഥലത്തെത്തി മേൽ നടപടികൾ പൂർത്തിയാക്കി മൃതദേഹം പോസ്റ്റ്‌മോർട്ടത്തിനയച്ചു.
Stoty highlight : Old woman was found dead after falling in flood.
