Man Set on Fire in Odisha Over Black Magic Allegations

ഒഡിഷയിലെ നുവാപാഡാ ജില്ലയിൽ ദുർമന്ത്രവാദം നടത്തിയെന്ന ആരോപണത്തിൽ അൻപത് വയസ്സുകാരനെ അയൽക്കാർ ചേർന്ന് തീകൊളുത്തിയ സംഭവം റിപ്പോർട്ട് ചെയ്തിരിക്കുന്നു. ഖാം സിംഗ് മാജി എന്ന വ്യക്തിക്കാണ് ഗുരുതരമായി തീപ്പൊള്ളലേറ്റത്. പോർട്ടിപാഡ ഗ്രാമത്തിലെ താമസക്കാർ വിളിച്ചുചേർത്ത യോഗത്തിൽ പങ്കെടുക്കാൻ എത്തിയ ഖാം സിംഗിനെ ദുർമന്ത്രവാദം നടത്തിയെന്ന ആരോപണത്തിൽ ശിക്ഷ വിധിക്കുകയായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വൈക്കോൽ കൊണ്ട് നിർമ്മിച്ച കയറുകൊണ്ട് കെട്ടിയിട്ട് തീകൊളുത്തിയതായാണ് പൊലീസിന് ലഭിച്ച വിവരം. തീ കൊളുത്തിയതോടെ ഇയാൾ ഓടി സമീപത്തുള്ള കുളത്തിലേക്ക് ചാടി. ഗുരുതരമായി പൊള്ളലേറ്റ ഖാം സിംഗിനെ ബന്ധുക്കളിൽ ചിലരാണ് പിന്നീട് ആശുപത്രിയിൽ എത്തിച്ചത്.

നിലവിൽ ഇയാളുടെ നില അതീവ ഗുരുതരമാണെന്നാണ് റിപ്പോർട്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. കുറ്റാരോപിതർക്കെതിരെയുള്ള അന്വേഷണം പുരോഗമിക്കുകയാണെന്ന് സിനാപ്പള്ളി എസ്ഡിപിഓ അരൂപ് ബെഹ്റ അറിയിച്ചു.

കളിസ്ഥലത്തെ തർക്കം കൊലപാതകത്തിൽ കലാശിച്ചു; ഹുബ്ബള്ളിയിൽ ഏഴാം ക്ലാസുകാരൻ ഒമ്പതാം ക്ലാസുകാരനെ കുത്തിക്കൊന്നു

അന്വേഷണത്തിന് വേണ്ടി ഗ്രാമത്തിലെത്തിയപ്പോൾ എല്ലാവരും ഒളിവിൽ പോയെന്നാണ് പൊലീസ് പറയുന്നത്. ഈ ക്രൂരമായ സംഭവം സമൂഹത്തിൽ വലിയ ചർച്ചയായിരിക്കുകയാണ്.

Story Highlights: Man set on fire by neighbors in Odisha over allegations of practicing black magic