കോഴിക്കോട്: എംഎസ്എഫ് വനിതാ വിഭാഗമായ ഹരിതക്ക് പുതിയ സംസ്ഥാന കമ്മിറ്റി. ഹരിതയുടെ സംസ്ഥാന പ്രസിഡന്റ് സ്ഥാനം വഹിക്കുന്നത് പി എച്ച് ആയിഷ ബാനുവാണ്. റുമൈസ റഫീഖ് ജനറല്‍ സെക്രട്ടറിയും നയന സുരേഷ് ട്രഷററുമായി പുതിയ കമ്മിറ്റിയിൽ സ്ഥാനമേറ്റു.
എംഎസ്എഫ് സംസ്ഥാന പ്രസിഡന്റ് നവാസിനെതിരായി വനിതാ കമ്മീഷനില്‍ സമർപ്പിച്ച ലൈംഗീക അധിക്ഷേപ പരാതി പിൻവലിക്കാത്തതു മൂലമാണ് ലീഗ് നേതൃത്വം പിരിച്ചുവിട്ട കമ്മിറ്റിക്ക് പകരമായി പുതിയ കമ്മിറ്റി രൂപീകരിച്ചത്.
ഇപ്പോഴത്തെ പ്രസിഡന്റ് ആയിഷ ബാനു പിരിച്ചുവിട്ട കമ്മിറ്റിയുടെ ട്രഷററായിരുന്നു. ജനറല്‍ സെക്രട്ടറിയായ റുമൈസ റഫീഖ് മുൻപ് കണ്ണൂര്‍ ജില്ലാ പ്രസിഡന്‍റും ഇപ്പോഴത്തെ ട്രഷററായ നയന സുരേഷ് മലപ്പുറം ജില്ലാ ഭാരവാഹിയുമായിരുന്നു.
ഹരിത വിവാദത്തിൽ ഗൂഢാലോചനയുള്ളതായും മുൻപ് ചുമതലയേറ്റിരുന്നവർക്ക് നിഗൂഡ ലക്ഷ്യങ്ങളുണ്ടായിരുന്നുവെന്നും ലീഗ് ജനറല്‍ സെക്രട്ടറി പി.എം.എ സലാം ചൂണ്ടിക്കാട്ടി.
Story highlight : New state committee for Haritha.
