Netflix to End Support for Older iPhones and iPads Running iOS 16

നെറ്റ്ഫ്ളിക്സ് എന്ന പ്രമുഖ ഒടിടി പ്ലാറ്റ്ഫോം ചില ഐഫോണുകളിലും ഐപാഡുകളിലും സേവനം നിർത്തലാക്കാൻ ഒരുങ്ങുന്നതായി റിപ്പോർട്ടുകൾ സൂചിപ്പിക്കുന്നു. ഐഒഎസ് 17, ഐപാഡ് ഒഎസ് 17 എന്നീ അപ്ഡേറ്റുകൾ ലഭിക്കുന്ന ഉപകരണങ്ങളിലും അതിനുശേഷം പുറത്തിറങ്ങിയവയിലും മാത്രമായിരിക്കും ഇനി നെറ്റ്ഫ്ളിക്സ് സേവനം ലഭ്യമാകുക.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, കമ്പനി ഇതുസംബന്ധിച്ച് ഔദ്യോഗിക പ്രഖ്യാപനം നടത്തിയിട്ടില്ല. ഐഫോൺ 8, ഐഫോൺ 8 പ്ലസ്, ഐഫോൺ ടെൻ, ഐപാഡ് പ്രോ (ഒന്നാം തലമുറ), ഐപാഡ് (അഞ്ചാം തലമുറ) തുടങ്ങിയ ഉപകരണങ്ങളെയാണ് ഈ മാറ്റം ബാധിക്കുക.

ഈ ഉപകരണങ്ങളിൽ ഐഒഎസ് 16, ഐപാഡ് ഒഎസ് 16 എന്നിവയ്ക്ക് മുകളിലേക്ക് അപ്ഗ്രേഡ് ചെയ്യാൻ കഴിയില്ല. ഐഒഎസ് 16 ഉപയോഗിക്കുന്ന നെറ്റ്ഫ്ളിക്സ് ഉപയോക്താക്കൾക്ക് ആപ്പ് ഉപയോഗിക്കാമെങ്കിലും ബഗ് ഫിക്സുകളും അപ്ഡേറ്റുകളും ലഭിക്കില്ല.

ഈ മാറ്റം വരുന്നതോടെ, ഐഒഎസ് 16, ഐപാഡോസ് 16 എന്നിവയിൽ പ്രവർത്തിക്കുന്ന ഉപകരണങ്ങൾക്കുള്ള പിന്തുണ നെറ്റ്ഫ്ലിക്സ് ഉടൻ നിർത്തലാക്കുമെന്നാണ് സൂചന. എന്നിരുന്നാലും, ഈ ഉപകരണങ്ങളിൽ വെബ് ബ്രൗസറിലൂടെ നെറ്റ്ഫ്ളിക്സ് ആസ്വദിക്കാൻ സാധിക്കും.

ഐ.ഒ.എസ് 26: ഫേസ് ടൈമിൽ സുരക്ഷാ ഫീച്ചറുകളുമായി ആപ്പിൾ

ഈ നീക്കം ഉപയോക്താക്കളുടെ സേവന അനുഭവത്തെ എങ്ങനെ ബാധിക്കുമെന്ന് കാത്തിരുന്ന് കാണേണ്ടിയിരിക്കുന്നു.

Story Highlights: Netflix to discontinue service on older iPhones and iPads running iOS 16 and iPadOS 16

ഐ.ഒ.എസ് 26: ഫേസ് ടൈമിൽ സുരക്ഷാ ഫീച്ചറുകളുമായി ആപ്പിൾ