Naga Chaitanya-Sobhita Dhulipala wedding: Netflix acquires rights?

തെന്നിന്ത്യയിൽ ആവേശത്തോടെ കാത്തിരിക്കുന്ന കല്യാണമാണ് നടൻ നാഗ ചൈതന്യയുടെയും നടി ശോഭിത ധൂലിപാലയുടെയും. അടുത്ത മാസം നാലിന് ഹൈദരാബാദിലെ അന്നപൂര്ണ സ്റ്റുഡിയോയിൽവെച്ചാണ് താര വിവാഹം നടക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്. തെലുങ്ക് ആചാരപ്രകാരമാണ് ഇരുവരും വിവാഹിതരാകുന്നത്. ആഡംബര ഡെസ്റ്റിനേഷൻ വിവാഹം ഒഴിവാക്കി നാട്ടിൽ തന്നെയാണ് വിവാഹാഘോഷം പ്ലാൻ ചെയ്തിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ ആഗസ്റ്റിലായിരുന്നു വിവാഹനിശ്ചയം നടന്നത്. ഇരുവരുടെയും കുടുംബാംഗങ്ങൾ മാത്രമായിരുന്നു ചടങ്ങിൽ പങ്കെടുത്തത്. നാഗചൈതന്യയുടെ രണ്ടാം വിവാഹമാണിത്. 2021 ലാണ് നാഗചൈതന്യയും നടി സാമന്തയും നിയമപരമായി വേർപിരിയുന്നത്. ദീർഘ നാളത്തെ പ്രണയത്തിന് ശേഷം 2017-ൽ ഇരുവരും വിവാහിതരായിരുന്നു.

ഇപ്പോൾ താരങ്ങളുടെ വിവാഹവുമായി ബന്ധപ്പെട്ട പുതിയ റിപ്പോർട്ടുകളാണ് പുറത്തുവരുന്നത്. വിവാഹ വിഡിയോ ഒടിടിയിലൂടെ എത്തുമെന്നാണ് വിവരം. മുൻപ് നയൻതാരയുടെ വിവാഹം പ്രേക്ഷകരിലേക്കെത്തിച്ച നെറ്ഫ്ലിസ് തന്നെയാവും നാഗ ചൈത്യയുടേയും വിവാഹം കാമറക്കുള്ളിലാകുക. 50 കോടി രൂപക്കാണ് നെറ്റ്ഫ്ലിക്സ് ഇതു സ്വന്തമാക്കിയിരിക്കുന്നതെന്ന് ട്രേഡ് അനലിസ്റ്റ് മനോബാല വിജയബാലൻ വെളിപ്പെടുത്തി. എന്നാൽ ഇതിനെക്കുറിച്ച് നാഗചൈതന്യയോ ശോഭിതയോ പ്രതികരിച്ചിട്ടില്ല.

70 കോടി കളക്ഷൻ നേടിയ 'ബൈസൺ കാലമാടൻ' നെറ്റ്ഫ്ലിക്സിലേക്ക്; റിലീസ് തിയതി പ്രഖ്യാപിച്ചു

Naga Chaitanya – Sobhita Dhulipala wedding rights bagged by netflix for a whopping ₹50 cr. pic.twitter.com/w6P4x1i9ZK
— Manobala Vijayabalan (@ManobalaV) November 26, 2024