പാര്‍ട്ടി അച്ചടക്കം ലംഘിച്ചതിനെ തുടർന്ന് എംഎസ്എഫ് ദേശീയ വൈസ് പ്രസിഡന്റ് ഫാത്തിമ തഹ്‍ലിയയെ സ്ഥാനത്തുനിന്ന് മുസ്‍ലിം ലീഗ് നീക്കം ചെയ്തു.
ഫാത്തിമ തഹ്‍ലിയയെ വൈസ് പ്രസിന്റ് സ്ഥാനത്തുനിന്നു നീക്കിയ വിവരം ദേശീയ പ്രസിഡന്റ് ഖാദര്‍ മൊയ്തീന്‍ ഒപ്പുവച്ച് ഔദ്യോഗിക ലെറ്റര്‍പാഡില്‍ പുറത്തിറക്കിയ വാര്‍ത്താകുറിപ്പിലൂടെയാണ് പുറത്തുവിട്ടത്. സംസ്ഥാന കമ്മിറ്റിയുടെ നിര്‍ദേശപ്രകാരമാണ് തഹ്ലിയയ്ക്കെതിരെ അച്ചടക്കലംഘനത്തിന് നടപടിയെടുത്തിക്കുന്നതെന്ന് വാര്‍ത്താകുറിപ്പില്‍ വ്യക്തമാക്കിയിട്ടുണ്ട്‌.
കഴിഞ്ഞ ദിവസം ഹരിത പുതിയ സംസ്ഥാന കമ്മറ്റി രൂപീകരിച്ചിരുന്നു. കൃത്യമായ നടപടിക്രമങ്ങള്‍ സ്വീകരിക്കാതെയും കൂടിയാലോചനകൾ നടത്താതെയുമാണ് ഹരിതയുടെ പുതിയ ഭാരവാഹികളെ തിരഞ്ഞെടുത്തിരിക്കുന്നതെന്ന് ഫാത്തിമ തഹ്‍ലിയ പ്രതികരിച്ചിരുന്നു.
Story highlight : MSF dismissed Fatima Tahlia from National Vice President position.
