Mother unknowingly hires daughter's lover as hitman, gets murdered

പത്തുവർഷത്തോളം ജയിലിൽ കഴിഞ്ഞ കുറ്റവാളിയാണ് തന്റെ പ്രായപൂർത്തിയാകാത്ത മകളുടെ കാമുകനെന്ന് അറിയാതെ, സ്വന്തം മകളെ കൊല്ലാൻ ക്വട്ടേഷൻ നൽകിയ 42കാരിക്ക് ദാരുണാന്ത്യം സംഭവിച്ചു. യുപിയിലെ ഏറ്റ ജില്ലയിലെ ഒരു ചോളപ്പാടത്തിൽ നിന്നാണ് ഇവരുടെ മൃതദേഹം കണ്ടെത്തിയത്. ഒരു കേസിന്റെ വാദത്തിനായി ഏറ്റയിലേക്ക് പോയ അൽക്കാ ദേവിയെ കാണാതാവുകയായിരുന്നു. ഭർത്താവ് രമാകാന്ത് ഫോണിൽ ബന്ധപ്പെട്ടെങ്കിലും സ്വിച്ച് ഓഫ് എന്നാണ് പറഞ്ഞത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇതോടെ ഇയാൾ പൊലീസിൽ വിവരമറിയിച്ചു. അൽക്കാ ദേവിയുടെയും രമാകാന്തിന്റെയും പ്രായപൂർത്തിയാകാത്ത മകളെ രണ്ട് യുവാക്കൾ ചേർന്ന് തട്ടിക്കൊണ്ടുപോകാൻ ശ്രമിച്ചിരുന്നു. ഇതിനെ തുടർന്ന് ഇവർ മകളെ ഫറൂഖാബാദിലെ ബന്ധുവീട്ടിലേക്ക് മാറ്റി. അവിടെ വച്ചാണ് അവൾ ഒരാളുമായി പ്രണയത്തിലായത്.

മകളുടെ പ്രണയത്തിന് എതിരായിരുന്ന അൽക്കാ ദേവി, അവളെ കൊല്ലാൻ അമ്പതിനായിരം രൂപ വാഗ്ദാനം ചെയ്ത് സുബാഷ് എന്ന വാടക കൊലയാളിയെ ഏർപ്പെടുത്തി. എന്നാൽ 38കാരനായ ഇയാൾ തന്നെയാണ് പെൺകുട്ടിയുടെ കാമുകനെന്ന് അൽക്കാദേവിക്ക് അറിയില്ലായിരുന്നു. സംഭവം സുബാഷ് പെൺകുട്ടിയോട് തുറന്നു പറഞ്ഞതോടെ, അമ്മയെ കൊന്നാൽ അപ്പോൾ തന്നെ കല്യാണം കഴിക്കാമെന്ന് പെൺകുട്ടി പറഞ്ഞു. തുടർന്ന് പെൺകുട്ടിയെ കൊലപ്പെടുത്തിയെന്ന് വരുത്തി തീർക്കാൻ ചില ചിത്രങ്ങൾ വ്യാജമായി ഉണ്ടാക്കി അൽക്കയെ കബളിപ്പിക്കാൻ ശ്രമിച്ചു.

ഹൈക്കോടതി അഭിഭാഷകൻ പി.ജി. മനുവിന്റെ ആത്മഹത്യ: മൂവാറ്റുപ്പുഴ സ്വദേശി അറസ്റ്റിൽ

എന്നാൽ ചിത്രം കണ്ടിട്ടും അൽക്ക പറഞ്ഞ തുക മുഴുവൻ നൽകാൻ കൂട്ടാക്കിയില്ല. ഇതോടെ ഇവരെ സുബാഷ് ആഗ്രയിലേക്ക് വിളിച്ചു വരുത്തി. അൽക്കയുടെ മകളും ഒപ്പമുണ്ടായിരുന്നു. തുടർന്ന് മൂവരും രാമലീല ആഘോഷങ്ങളിൽ പങ്കെടുക്കാൻ ഏറ്റയിൽ നിന്നും ആഗ്രയിലെത്തി.

അവിടെ നിന്നും അലിഗഡിലിറങ്ങിയ മകളും കാമുകനും അൽക്കയെ മറ്റൊരിടത്തേക്ക് കൊണ്ടുപോയി കഴുത്ത് മുറുക്കി കൊലപ്പെടുത്തുകയായിരുന്നു. പൊലീസ് അന്വേഷണത്തിൽ മകളും കാമുകനും അറസ്റ്റിലായി.

Story Highlights: Mother unknowingly hires daughter’s lover to kill her, ends up murdered by daughter and lover in Uttar Pradesh.

കോട്ടയം അഭിഭാഷകയുടെയും മക്കളുടെയും മരണം: ദുരൂഹതയെന്ന് കുടുംബം