Mother kills 5-year-old daughter to live with lover in Delhi

കാമുകനുമായി ഒരുമിച്ച് ജീവിക്കാൻ വേണ്ടി അഞ്ച് വയസുള്ള മകളെ അമ്മ കഴുത്തുഞെരിച്ച് കൊലപ്പെടുത്തിയ ക്രൂരമായ സംഭവം ദില്ലിയിലെ അശോക് വിഹാറിൽ നടന്നു. ദീപ്ചന്ദ് ബന്ദു ആശുപത്രി അധികൃതരാണ് കൊലപാതകവിവരം പൊലീസിൽ അറിയിച്ചത്. ആശുപത്രിയിലെത്തുമ്പോഴേക്കും കുട്ടി മരിച്ചിരുന്നതാണ് അധികൃതരിൽ സംശയമുണ്ടാക്കിയത്. സ്ഥലത്തെത്തിയ പൊലീസ് കുട്ടിയുടെ കഴുത്തിൽ പാടുകൾ കണ്ടെത്തുകയും, അമ്മയെയും ബന്ധുക്കളെയും കസ്റ്റഡിയിലെടുക്കുകയും ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഭർത്താവ് ഉപേക്ഷിച്ച യുവതി കുഞ്ഞുമായി തനിച്ച് താമസിക്കുകയായിരുന്നു. ഇതിനിടെ രാഹുൽ എന്നൊരാളുമായി ഇൻസ്റ്റഗ്രാമിലൂടെ പരിചയപ്പെട്ട് അടുപ്പത്തിലായി. രാഹുൽ യുവതിയെ വിവാഹം ചെയ്യാമെന്ന് ഉറപ്പു നൽകിയെങ്കിലും കുടുംബത്തെ സ്വീകരിക്കാൻ കഴിയില്ലെന്ന് അറിയിച്ചു. വിവാഹത്തിന് കുട്ടി തടസമായതോടെ കൊലപ്പെടുത്താൻ തീരുമാനിച്ചതായി യുവതി പൊലീസിനോട് സമ്മതിച്ചു.

തുടർന്നുള്ള അന്വേഷണത്തിൽ കുട്ടി ലൈംഗികപീഡനത്തിന് ഇരയായതായി പൊലീസ് കണ്ടെത്തി. സംഭവത്തിൽ പോക്സോ ആക്ട് പ്രകാരം കുട്ടിയുടെ ബന്ധുവിനെതിരെ പൊലീസ് കേസെടുത്തു. ഹിമാചലിൽ ബന്ധുവിനൊപ്പം താമസിക്കുകയായിരുന്നു യുവതിയും കുഞ്ഞും. ഈ ദാരുണമായ സംഭവം സമൂഹത്തിൽ ഞെട്ടലും വേദനയും സൃഷ്ടിച്ചിരിക്കുകയാണ്.