മധ്യപ്രദേശിലെ ജബൽ പൂരിൽ വിചിത്ര സംഭവം.ഗതാഗതക്കുരുക്കിൽ നിർത്തിയിട്ട ഓട്ടോ റിക്ഷയിൽ നിന്നും 100000 രൂപ കവർന്നത് കുരങ്ങൻ.
നഷ്ടപ്പെട്ട പണത്തിൽ നിന്നും 56,000 രൂപ തിരിച്ചുകിട്ടി.
പണത്തിൻറെ ഉടമയും രണ്ട് സുഹൃത്തുക്കളും സഞ്ചരിച്ചിരുന്ന ഓട്ടോയിൽ നിന്ന് പണവുമായി കുരങ്ങൻ ഓടി രക്ഷപ്പെടുകയായിരുന്നു.
ഗതാഗതക്കുരുക്കിൽ പെട്ടപ്പോൾ കാരണമറിയാൻ മൂവരും വണ്ടിയിൽ നിന്നിറങ്ങി പോയപ്പോഴാണ് സംഭവം നടന്നത്.
പണം പൊതിഞ്ഞിരുന്ന പൊതിയുമായി കുരങ്ങൻ ഓടുകയും മരത്തിൽ കയറിയപ്പോൾ പൊതിയഴിഞ്ഞ് പണം താഴെ വീഴുകയുമായിരുന്നു.
വീണ പണമെല്ലാം കൂട്ടിയാണ് 56,000 രൂപ ഉടമക്ക് തിരിച്ചുകിട്ടിയത്.
ഇവിടത്തെ നാട്ടുകാർ കുരങ്ങുകൾക്ക് ഭക്ഷണം കൊടുക്കാറുണ്ട്.എന്നാൽ ചില സമയങ്ങളിൽ ഈ കുരങ്ങുകൾ ജനങ്ങൾക്ക് തലവേദനയുമാണ്.
സംഭവം നടന്ന് സ്ഥലത്തൊന്നും സിസിടിവി ഇല്ലാത്തതിനാൽ ബാക്കി പണം ആര് മോഷ്ടിച്ചു എന്ന് വ്യക്തമല്ല.സംഭവത്തിൽ ഇതുവരെ കേസ് രജിസ്റ്റർ ചെയ്തിട്ടില്ല.
Story highlight : Monkey stole 1 lakh rupees from Auto.
