ഹിന്ദു വിശ്വാസങ്ങളെ ആക്രമിക്കുന്നവർ അടിമത്ത മനോഭാവമുള്ളവരാണെന്ന് പ്രധാനമന്ത്രി നരേന്ദ്ര മോദി പറഞ്ഞു. മഹാകുംഭമേളയുമായി ബന്ധപ്പെട്ട് പ്രതിപക്ഷ പാർട്ടികൾ നടത്തിയ വിമർശനങ്ങൾക്കെതിരെയാണ് പ്രധാനമന്ത്രിയുടെ പ്രതികരണം. മധ്യപ്രദേശിലെ ബാഗേശ്വർ ധാം മെഡിക്കൽ ആൻഡ് സയൻസ് റിസർച്ച് ഇൻസ്റ്റിറ്റ്യൂട്ടിന്റെ ശിലാസ്ഥാപന ചടങ്ങിൽ പങ്കെടുത്ത് സംസാരിക്കുകയായിരുന്നു അദ്ദേഹം. വിദേശ പിന്തുണയോടെ ഒരു വിഭാഗം നേതാക്കൾ ഹിന്ദു വിശ്വാസങ്ങളെ പരിഹസിക്കുകയും രാജ്യത്തെ ദുർബലപ്പെടുത്താൻ ശ്രമിക്കുകയും ചെയ്യുന്നുവെന്ന് മോദി കുറ്റപ്പെടുത്തി.
മതത്തെ പരിഹസിക്കുകയും ജനങ്ങളെ ഭിന്നിപ്പിക്കുകയും ചെയ്യുന്ന നേതാക്കളുണ്ടെന്നും അദ്ദേഹം പറഞ്ഞു. മഹാകുംഭമേള പോലുള്ള വലിയ പരിപാടി സ്വാഭാവികമായും എല്ലാവരെയും അത്ഭുതപ്പെടുത്തുമെന്നും ഐക്യത്തിന്റെ പ്രതീകമായി ഭാവി തലമുറയെ ഇത് പ്രചോദിപ്പിക്കുമെന്നും മോദി അഭിപ്രായപ്പെട്ടു. ദശലക്ഷക്കണക്കിന് ആളുകൾ ഇതിനകം മഹാകുംഭമേളയിൽ പങ്കെടുത്ത് ത്രിവേണിയിൽ പുണ്യസ്നാനം നടത്തി അനുഗ്രഹം തേടിയതായും അദ്ദേഹം ചൂണ്ടിക്കാട്ടി. നമ്മുടെ വിശ്വാസം, ദൈവഭക്തി, ക്ഷേത്രങ്ങൾ, മതം, സംസ്കാരം, മൂല്യങ്ങൾ എന്നിവയെ ആക്രമിക്കുന്നവർ അടിമത്ത മനോഭാവത്തിലേക്ക് വീണുപോയവരാണെന്ന് മോദി പറഞ്ഞു.
പലപ്പോഴും വിദേശ ശക്തികൾ ഈ ശക്തികളെ പിന്തുണച്ചുകൊണ്ട് രാജ്യത്തെ ദുർബലമാക്കാൻ ശ്രമിക്കാറുണ്ടെന്നും അദ്ദേഹം കൂട്ടിച്ചേർത്തു. സ്വാഭാവികമായുള്ള പുരോഗമനപരമായ വിശ്വാസത്തെയും സംസ്കാരത്തെയും ആക്രമിക്കാൻ ചിലർ ധൈര്യപ്പെടുന്നുവെന്നും മോദി ആരോപിച്ചു. സമൂഹത്തെ വിഭജിക്കുകയും ഐക്യം തകർക്കുകയുമാണ് അവരുടെ അജണ്ടയെന്നും അദ്ദേഹം കൂട്ടിച്ചേർത്തു. മഹാകുംഭമേള ‘മൃത്യുകുംഭ്’ ആയി മാറിയെന്ന മമതാ ബാനർജിയുടെ പരാമർശം വിവാദമായിരുന്നു.
പ്രായാഗ്രാജിൽ തിക്കിലും തിരക്കിലും പെട്ട് മരണപ്പെട്ടവരുടെ യഥാർത്ഥ കണക്കുകൾ പുറത്തുവിടുന്നില്ലെന്നും മമത ആരോപിച്ചിരുന്നു. മരണപ്പെട്ടവരുടെ എണ്ണം കുറച്ചുകാണിക്കാൻ ബിജെപി നൂറുകണക്കിന് മൃതദേഹങ്ങൾ ഒളിപ്പിച്ചിരിക്കുകയാണെന്നും ബംഗാൾ നിയമസഭയിൽ മമത പറഞ്ഞു. ഈ വിമർശനത്തിന് പിന്നാലെയാണ് പ്രധാനമന്ത്രിയുടെ പരാമർശം. നേരത്തെ ഗംഗാ നദിയിൽ മുങ്ങുന്നത് കൊണ്ട് ദാരിദ്ര്യം മാറില്ലെന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെയും വിമർശിച്ചിരുന്നു.
കേന്ദ്ര ആഭ്യന്തരമന്ത്രി കുംഭമേളയിൽ പങ്കെടുത്തതിന് പിന്നാലെയായിരുന്നു ഈ വിമർശനം.
Story Highlights: Prime Minister Narendra Modi criticizes opposition parties for their remarks on the Maha Kumbh Mela, accusing them of having a slavish mentality.
വിഴിഞ്ഞം തുറമുഖ ഉദ്ഘാടന വേളയിൽ പ്രധാനമന്ത്രിയുടെ പ്രസംഗത്തിന്റെ പരിഭാഷയിൽ പിഴവ് സംഭവിച്ചു. ഔഡിയോ Read more
വിഴിഞ്ഞം തുറമുഖ ഉദ്ഘാടനത്തിൽ പ്രധാനമന്ത്രി നടത്തിയ പ്രസംഗം പരിഹാസമാണെന്ന് ഡോ. തോമസ് ഐസക്. Read more
വിഴിഞ്ഞം തുറമുഖ കമ്മീഷനിങ് ചടങ്ങിൽ പ്രധാനമന്ത്രി നരേന്ദ്ര മോദി നടത്തിയ പ്രസംഗം രാഷ്ട്രീയ Read more
വിഴിഞ്ഞം തുറമുഖ കമ്മീഷനിങ് ചടങ്ങിൽ പ്രധാനമന്ത്രി നരേന്ദ്ര മോദി ഇന്ത്യാ മുന്നണിക്കെതിരെ രൂക്ഷ Read more
മോസ്കോയിൽ മെയ് 9 ന് നടക്കുന്ന റഷ്യയുടെ വിജയദിനാഘോഷത്തിൽ പ്രധാനമന്ത്രി നരേന്ദ്ര മോദി Read more
പഹൽഗാം ആക്രമണത്തിനു ശേഷം പ്രധാനമന്ത്രിയെ പരിഹസിച്ച് കോൺഗ്രസ് പോസ്റ്റർ പങ്കുവച്ചു. പാർട്ടിക്കുള്ളിൽ നിന്നുയർന്ന Read more
കാലടി സംസ്കൃത സർവകലാശാലയിൽ പ്രധാനമന്ത്രി നരേന്ദ്ര മോദിക്കെതിരെ സ്ഥാപിച്ച വിവാദ ഫ്ലക്സ് ബോർഡ് Read more
പഹൽഗാമിലെ ഭീകരാക്രമണത്തിന്റെ പശ്ചാത്തലത്തിൽ പ്രധാനമന്ത്രി നരേന്ദ്ര മോദി തന്റെ സൗദി അറേബ്യ സന്ദർശനം Read more
സൗദി അറേബ്യയിലേക്ക് പ്രധാനമന്ത്രി നരേന്ദ്ര മോദി ഇന്ന് യാത്ര തിരിക്കും. സൗദി കിരീടാവകാശി Read more
പ്രധാനമന്ത്രി നരേന്ദ്ര മോദിയും യു.എസ്. വൈസ് പ്രസിഡന്റ് ജെ.ഡി. വാൻസും തമ്മിൽ ഉഭയകക്ഷി Read more
