MP Seeks Urgent Action for Missing Malayali in Uttarakhand

ഉത്തരാഖണ്ഡിലെ ഋഷികേശില് റിവര് റാഫ്റ്റിംഗിനിടെ കാണാതായ മലയാളി യുവാവിനെ കണ്ടെത്താനുള്ള തിരച്ചില് വേഗത്തിലാക്കണമെന്ന് ആവശ്യപ്പെട്ട് കേന്ദ്ര ആഭ്യന്തര മന്ത്രിക്കും ഉത്തരാഖണ്ഡ് മുഖ്യമന്ത്രിക്കും കത്തയച്ച് കൊടിക്കുന്നില് സുരേഷ് എം.പി രംഗത്തെത്തി. രക്ഷാപ്രവര്ത്തനം കാര്യക്ഷമമല്ലെന്ന ആരോപണം ഉയര്ന്ന സാഹചര്യത്തില്, എന്ഡിആര്എഫ് ഉള്പ്പെടെയുള്ള ദുരന്തനിവാരണ സേനയുടെ അടിയന്തര ഇടപെടല് ആവശ്യപ്പെട്ടാണ് കത്ത്. ട്വന്റിഫോര് വാര്ത്തയെ തുടര്ന്നാണ് കൊടിക്കുന്നില് സുരേഷിന്റെ ഈ നീക്കം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഡല്ഹിയില് താമസിക്കുന്ന തൃശൂര് സ്വദേശി ആകാശിനെയാണ് കാണാതായത്. സഹപ്രവര്ത്തകരോടൊപ്പം വിനോദയാത്രയ്ക്ക് പോയപ്പോഴാണ് ഇന്ന് രാവിലെ സംഭവം നടന്നത്. രക്ഷാപ്രവര്ത്തനം വേഗത്തിലാക്കണമെന്ന് ആവശ്യപ്പെട്ട് ഡല്ഹിയിലെ സാംസ്കാരിക സംഘടനയായ ജനസംസ്കൃതിയും ഉത്തരാഖണ്ഡ് മുഖ്യമന്ത്രിക്ക് കത്തയച്ചിട്ടുണ്ട്.

എസ്ഡിആര്എഫിന്റെയും പൊലീസിന്റെയും സംയുക്ത നേതൃത്വത്തിലാണ് തിരച്ചില് നടന്നത്. എന്നാല് വൈകിട്ടോടെ രക്ഷാപ്രവര്ത്തനം താല്ക്കാലികമായി നിര്ത്തിവെച്ചു. പ്രതികൂല കാലാവസ്ഥയാണ് ഇതിന് കാരണമെന്നും നാളെ തിരച്ചില് പുനരാരംഭിക്കുമെന്നും എസ്ഡിആര്എഫ് അധികൃതര് വ്യക്തമാക്കി. ഈ സാഹചര്യത്തിലാണ് കേന്ദ്ര-സംസ്ഥാന സര്ക്കാരുകളുടെ അടിയന്തര ശ്രദ്ധ ആവശ്യപ്പെട്ട് കൊടിക്കുന്നില് സുരേഷ് എം.പി രംഗത്തെത്തിയത്.

കോട്ടയം ജയിലിൽ നിന്നും മോഷണക്കേസ് പ്രതി രക്ഷപ്പെട്ടു; നവജാത ശിശുക്കളുടെ കൊലപാതകത്തിൽ പ്രതികൾ റിമാൻഡിൽ

Story Highlights: Malayali young man missing in Uttarakhand, MP seeks urgent intervention

അറബിക്കടലിൽ തീപിടിച്ച കപ്പൽ; രക്ഷാപ്രവർത്തനത്തിൽ നിർണായക നേട്ടം