കൊല്ലം കരുനാഗപ്പള്ളിയിൽ നിന്ന് കാണാതായ 20 കാരി ഐശ്വര്യയെ തൃശൂർ മുരിങ്ങൂർ ഡിവൈൻ ധ്യാന കേന്ദ്രത്തിൽ നിന്ന് കണ്ടെത്തി. തിങ്കളാഴ്ച രാവിലെ 9.30 ന് വീട്ടിൽ നിന്ന് പുറത്തേക്ക് പോയ ഐശ്വര്യ പിന്നീട് തിരിച്ചുവന്നില്ല. അന്നേ ദിവസം 11 മണി മുതൽ ഐശ്വര്യയുടെ ഫോൺ സ്വിച്ച് ഓഫ് ആയിരുന്നുവെന്ന് കുടുംബം അറിയിച്ചു.
യുവതിയെ കാണാനില്ലെന്ന് കാട്ടി മാതാവ് കരുനാഗപ്പള്ളി പൊലീസിൽ പരാതി നൽകിയിരുന്നു. സംഭവത്തിൽ വീട്ടുകാരുടെ പരാതിയിൽ കരുനാഗപ്പള്ളി പൊലീസ് അന്വേഷണം ആരംഭിച്ചു. ഓൺലൈനായി എൻട്രൻസ് പ്രവേശന പരീക്ഷയ്ക്ക് തയ്യാറെടുപ്പ് നടത്തുകയായിരുന്ന ഐശ്വര്യ മറ്റുള്ളവരോട് അടുത്ത് ഇടപഴകാറില്ലെന്ന് വീട്ടുകാർ പറഞ്ഞു.
കാണാതായ യുവതിയെ കണ്ടെത്തിയതോടെ കുടുംബത്തിന്റെ ആശങ്കകൾക്ക് അറുതിയായി. എന്നാൽ, ഐശ്വര്യ എങ്ങനെയാണ് തൃശൂരിലെ ധ്യാന കേന്ദ്രത്തിലെത്തിയതെന്ന് വ്യക്തമായിട്ടില്ല. പൊലീസ് കൂടുതൽ വിവരങ്ങൾ ശേഖരിച്ചുവരികയാണ്.
Story Highlights: 20-year-old missing girl from Kollam found at Divine Retreat Centre in Thrissur
