ഉത്തർപ്രദേശിലെ ഔറയ്യയിൽ നടന്ന ഒരു ഞെട്ടിക്കുന്ന സംഭവം സമൂഹത്തെ നടുക്കിയിരിക്കുകയാണ്. പ്രായപൂർത്തിയാകാത്ത ഒരു പെൺകുട്ടി തന്റെ അച്ഛൻ, അമ്മാവൻ, മുത്തച്ഛൻ എന്നിവരുടെ ക്രൂരമായ പീഡനത്തിന് ഇരയായി ഗർഭിണിയായ സംഭവമാണ് പുറത്തുവന്നിരിക്കുന്നത്. പതിനാലു വയസ്സുള്ള പെൺകുട്ടിയുടെ ഗർഭം കണ്ടെത്തിയതോടെയാണ് ഈ ദാരുണമായ വിവരം വെളിച്ചത്തു വന്നത്.
കുട്ടിയുടെ മാതാപിതാക്കൾ വേർപിരിഞ്ഞതിനെ തുടർന്ന് അമ്മയ്‌ക്കൊപ്പം താമസിച്ചിരുന്ന പെൺകുട്ടിയെ അടുത്തിടെ അച്ഛൻ തന്റെ കൂടെ താമസിപ്പിച്ചിരുന്നു. ഈ സമയത്താണ് ഒരു വർഷത്തോളം നീണ്ട പീഡനം നടന്നത്. മുത്തച്ഛൻ പാടത്തേക്ക് കൃഷിക്കായി കൊണ്ടുപോകുമെന്ന പേരിൽ പെൺകുട്ടിയെ ഉപദ്രവിച്ചിരുന്നു. അച്ഛനും അമ്മാവനും പലതവണ രാത്രിയിൽ കുട്ടിയുടെ മുറിയിലേക്ക് അതിക്രമിച്ചു കയറി പീഡിപ്പിച്ചതായും വിവരമുണ്ട്.
പ്രതിരോധിക്കാൻ ശ്രമിച്ചപ്പോൾ കൊലപ്പെടുത്തുമെന്ന് ഭീഷണിപ്പെടുത്തിയതായി പെൺകുട്ടി വെളിപ്പെടുത്തി. ഒടുവിൽ കഴിഞ്ഞ ആഴ്ച പ്രതികളുടെ കണ്ണുവെട്ടിച്ച് ഒരു ബന്ധുവിന്റെ വീട്ടിലേക്ക് രക്ഷപ്പെട്ട പെൺകുട്ടി, താൻ രണ്ടു മാസം ഗർഭിണിയാണെന്ന വിവരം അവരോട് തുറന്നു പറഞ്ഞു. തുടർന്ന് ബന്ധു പൊലീസിൽ പരാതി നൽകുകയായിരുന്നു. സംഭവത്തിൽ പൊലീസ് കേസെടുത്ത് പ്രതികളായ അച്ഛൻ, അമ്മാവൻ, മുത്തച്ഛൻ എന്നിവരെ അറസ്റ്റ് ചെയ്ത് ജയിലിലടച്ചു. പോക്സോ ഉൾപ്പെടെയുള്ള വകുപ്പുകൾ പ്രകാരമാണ് കേസ് രജിസ്റ്റർ ചെയ്തിരിക്കുന്നത്.
Story Highlights: 14-year-old girl in Uttar Pradesh impregnated after being raped by father, uncle, and grandfather for a year.
