ഉത്തർപ്രദേശിലെ ബല്ലിയ ജില്ലയിൽ അഞ്ച് വയസ്സുകാരിയെ ബലാത്സംഗം ചെയ്ത കേസിൽ പ്രായപൂർത്തിയാകാത്ത മൂന്ന് കുട്ടികളെ പൊലീസ് കസ്റ്റഡിയിലെടുത്തു. ഈ മാസം പതിനാറിനായിരുന്നു സംഭവം. വീടിന്റെ ടെറസിൽ കളിച്ചുകൊണ്ടിരിക്കെയാണ് 6, 13, 16 വയസ്സ് പ്രായമുള്ള മൂന്ന് ആൺകുട്ടികൾ പെൺകുട്ടിയെ ഉപദ്രവിച്ചത്. പെൺകുട്ടി ഇക്കാര്യം വീട്ടിൽ പറഞ്ഞതോടെ കുട്ടിയുടെ അമ്മ പോലീസിനെ വിവരം അറിയിച്ചു.
സംഭവ സ്ഥലത്തെത്തിയ പൊലീസ് കുട്ടികളെ കസ്റ്റഡിയിലെടുക്കുകയും ചോദ്യം ചെയ്യുകയും ചെയ്തു. പെൺകുട്ടിയുടെ കുടുംബം നൽകിയ പരാതിയുടെ അടിസ്ഥാനത്തിലാണ് പൊലീസ് നടപടി സ്വീകരിച്ചത്. ഭാരതീയ ന്യായ സംഹിത, പോക്‌സോ വകുപ്പുകൾ പ്രകാരം മൂന്നുപേർക്കുമെതിരെ പൊലീസ് കേസെടുത്തിട്ടുണ്ട്.
യുപിയിൽ കഴിഞ്ഞ മാസവും സമാന രീതിയിൽ ഒരു സംഭവം നടന്നിരുന്നു. സദാർ കോട്വാലി മേഖലയിൽ ഏഴ് വയസ്സുകാരിയെ ക്രൂരമായി ബലാത്സംഗം ചെയ്ത കേസിൽ എട്ടും ഏഴും വയസുള്ള ആൺകുട്ടികളെ പൊലീസ് കസ്റ്റഡിയിലെടുത്തിരുന്നു. ഈ സംഭവങ്ങൾ യുപിയിലെ കുട്ടികൾക്കെതിരായ അതിക്രമങ്ങളുടെ ഗൗരവം വ്യക്തമാക്കുന്നു.
Story Highlights: Three minor boys detained for raping five-year-old girl in Uttar Pradesh’s Ballia district
