സംസ്ഥാനത്ത് 18 വയസ്സിന് മുകളിലുള്ള എല്ലാവർക്കും സെപ്റ്റംബർ 10നകം വാക്സിൻ നൽകുമെന്ന് ആരോഗ്യമന്ത്രി വീണ ജോർജ്. ഇതിനായി കേന്ദ്രത്തോട് കൂടുതൽ വാക്സിൻ ഡോസുകൾ ആവശ്യപ്പെട്ടതായും ആരോഗ്യമന്ത്രി അറിയിച്ചു.
ഒരുകോടി 11 ലക്ഷം വാക്സിനാണ് കേരളം കേന്ദ്രത്തോട് ആവശ്യപ്പെട്ടത്. കേന്ദ്രത്തിൽനിന്നും വാക്സിൻ ലഭ്യമാകുന്ന മുറയ്ക്ക് വാക്സിനേഷൻ ത്വരിതപ്പെടുത്തുമെന്നും ആരോഗ്യമന്ത്രി വ്യക്തമാക്കി.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
അതേസമയം മൂന്നാം തരംഗ സാധ്യത കണക്കിലെടുത്ത് ജാഗ്രത കൈവിടരുതെന്നും കുഞ്ഞുങ്ങളുടെ മുതിർന്നവരെയും പ്രത്യേക കരുതലോടെ നോക്കണമെന്നും ആരോഗ്യ മന്ത്രി ആവശ്യപ്പെട്ടു.
എല്ലാവരും സ്വയം ജാഗ്രത പാലിക്കണമെന്നും ഓണത്തിന് ശേഷമുള്ള കോവിഡ് കേസുകളിൽ പ്രതീക്ഷിച്ചപോലെ വൻതോതിലുള്ള വ്യാപനം ഉണ്ടായിട്ടില്ലെന്നും അറിയിച്ചു.
Story Highlights: Minister Veena George about Vaccination.
