Marottichodu Murder: Accused Arrested in Kochi Killing Case

കൊച്ചി മരോട്ടിച്ചോടിൽ നടന്ന കൊലപാതകക്കേസിൽ പ്രതി പിടിയിലായി. കൊല്ലം സ്വദേശിയായ സമീറാണ് അറസ്റ്റിലായത്. മദ്യപാനത്തെ തുടർന്നുണ്ടായ തർക്കമാണ് കൊലപാതകത്തിലേക്ക് നയിച്ചതെന്ന് പോലീസ് പറഞ്ഞു. കൊല്ലപ്പെട്ട പ്രവീണും പ്രതി സമീറും തമ്മിൽ മുൻപരിചയമുണ്ടായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഉത്രാട ദിനത്തിൽ ഇരുവരും ഒരുമിച്ചിരുന്ന് മദ്യപിച്ചു. ഇതിനിടയിൽ ഉണ്ടായ തർക്കമാണ് കൊലപാതകത്തിലേക്ക് നയിച്ചത്. പ്രവീണിന്റെ ശരീരത്തിൽ മുറിപ്പാടുകൾ ഉണ്ടായിരുന്നു. സിസിടിവി ദൃശ്യങ്ങൾ അടക്കം പരിശോധിച്ച് പോലീസ് നടത്തിയ അന്വേഷണത്തിലാണ് സമീറിനെ തൃപ്പൂണിത്തുറയിൽ നിന്നും പിടികൂടിയത്.

മറ്റൊരാൾ കൂടി കസ്റ്റഡിയിലുണ്ട്. അതേസമയം, തിരുവോണം ദിനത്തിൽ കൊച്ചി കാക്കനാട്ടും സംഘർഷം ഉണ്ടായി. കാക്കനാട് കണ്ണങ്കേരി സ്വദേശി പ്രദീപിനെയാണ് വെട്ടിക്കൊലപ്പെടുത്താൻ ശ്രമിച്ചത്. കഴുത്തിനു വെട്ടേറ്റ പ്രദീപിന്റെ നില ഗുരുതരമാണ്.

മുൻ വൈരാഗ്യമാണ് അക്രമണത്തിന് കാരണമെന്ന് പോലീസ് പറഞ്ഞു. പ്രദീപിനെ ആക്രമിക്കുന്നതിനിടെ പ്രതിയായ രഞ്ജിത്തിനും വെട്ടേറ്റു. രഞ്ജിത്ത് നിരവധി കേസുകളിൽ പ്രതിയാണെന്നും പൊലീസ് അറിയിച്ചു. ഇരുവരും ആശുപത്രിയിലാണ്.

കടയ്ക്കൽ ക്ഷേത്രോത്സവത്തിലെ വിപ്ലവഗാനങ്ങൾ: ഹൈക്കോടതി രൂക്ഷ വിമർശനം

കേസിൽ പ്രതിയായ മറ്റൊരാൾ ഒളിവിലാണ്.

Story Highlights: Accused arrested in Marottichodu murder case in Kochi, dispute during drinking led to killing

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്