Man Abducted Near Thiruvananthapuram Airport, Police Investigate

വിദേശത്ത് നിന്ന് തിരുവനന്തപുരത്തെത്തിയ ഒരാളെ തട്ടിക്കൊണ്ടുപോയതായി പരാതി ഉയർന്നിരിക്കുകയാണ്. വിമാനത്താവളത്തിന് സമീപം നിന്ന് ഓട്ടോറിക്ഷയിൽ കയറിയ യുവാവിനെയാണ് തടഞ്ഞുനിർത്തി തട്ടിക്കൊണ്ടുപോയത്. സംഭവത്തിൽ മുഖ്യസാക്ഷിയായ ഓട്ടോറിക്ഷാ ഡ്രൈവറുടെ നിർണായക മൊഴി പോലീസിന് ലഭിച്ചിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വഞ്ചിയൂർ പോലീസ് അന്വേഷണം ആരംഭിച്ചു. പുലർച്ചെ 12. 30 മണിക്ക് വിമാനത്താവളത്തിന് സമീപത്തുനിന്ന് ഓട്ടോയിൽ കയറിയ യുവാവ് തമ്പാനൂർ ബസ് സ്റ്റാൻഡിലേക്ക് പോകാൻ ആവശ്യപ്പെട്ടു.

തിരുനെൽവേലിക്ക് പോകാനാണെന്നും അയാൾ പറഞ്ഞു. എന്നാൽ തകരപ്പറമ്പ് ഭാഗത്തെത്തിയപ്പോൾ രണ്ട് കാറുകളിലായി എത്തിയ സംഘം ഓട്ടോ തടഞ്ഞുനിർത്തി യുവാവിനെ ബലം പ്രയോഗിച്ച് പുറത്തിറക്കി മർദ്ദിച്ച് കാറിൽ കയറ്റി. ചോദ്യം ചെയ്യാനെത്തിയ ഓട്ടോ ഡ്രൈവറെയും സംഘം മർദ്ദിച്ചു.

വെള്ളയും ചാരയും നിറത്തിലുള്ള കേരള രജിസ്ട്രേഷനിലുള്ള രണ്ട് കാറുകളിലാണ് സംഘമെത്തിയതെന്ന് ഡ്രൈവർ മൊഴി നൽകി. ഈ വാഹനങ്ങൾ നേരത്തെ ഓട്ടോ സ്റ്റാൻഡിന് സമീപം പാർക്ക് ചെയ്തിരുന്നതായി ശ്രദ്ധയിൽപ്പെട്ടതായി മറ്റ് ഓട്ടോ ഡ്രൈവർമാർ പറഞ്ഞു. തട്ടിക്കൊണ്ടുപോയത് ആരെയാണെന്ന വിവരം പോലീസ് പുറത്തുവിട്ടിട്ടില്ല.

ആലുവ കൊലക്കേസ് പ്രതിക്ക് ജയിലിൽ മർദ്ദനം; സഹതടവുകാരനെതിരെ കേസ്

പ്രതികൾ സഞ്ചരിച്ച കാർ കേന്ദ്രീകരിച്ചാണ് അന്വേഷണം നടക്കുന്നത്. സിസിടിവി ദൃശ്യങ്ങൾ പരിശോധിച്ച് കാർ പോയ ദിശ കണ്ടെത്താനുള്ള ശ്രമം നടക്കുന്നു. കാർ വാടകയ്ക്കെടുത്തതാണെന്നും വ്യക്തമായിട്ടുണ്ട്.

Story Highlights: Man abducted near Thiruvananthapuram airport, police investigation underway

രാമനാട്ടുകര പീഡനക്കേസ്: പ്രതി ഉടൻ പിടിയിലായേക്കും