തമിഴ്നാട് നീലഗിരിയിൽ കടുവയെ പിടികൂടി.നാട്ടിലിറങ്ങി നാലു പേരെ കൊന്ന കടുവയെ ആണ് വനംവകുപ്പ് പിടികൂടിയത്.
മുതുമല വന്യജീവി സങ്കേതത്തിന് കണ്ടെത്തിയ കടുവ തിരച്ചിൽ സംഘത്തെ കണ്ടയുടൻ ഓടിരക്ഷപ്പെടുകയായിരുന്നു.ഇതിനുശേഷം മസിനഗുഡിയിലെ വനമേഖലയിൽ വച്ചാണ് കടുവയെ പിടികൂടിയത്.
കഴിഞ്ഞ 15 ദിവസമായി കടുവയ്ക്ക് വേണ്ടി 160 പേരടങ്ങുന്ന സംഘമാണ് തിരച്ചിൽ നടത്തിയിരുന്നത്.
മയക്കുവെടിവെച്ചശേഷം കാട്ടിലേക്ക് കടന്ന് കടുവയെ ജീവനോടെ പിടികൂടുകയായിരുന്നു.
കടുവയെ വെടിവെച്ച് കൊല്ലാനാണ് വനംവകുപ്പ് ഉദ്ദേശിച്ചത് എങ്കിലും ജീവനോടെ പിടികൂടാനാണ് മദ്രാസ് ഹൈക്കോടതി പറഞ്ഞത്.
കഴിഞ്ഞ ഒരു വർഷമായി നാല് മനുഷ്യരെയും നിരവധി വളർത്തുമൃഗങ്ങളെയും കൊന്ന കടുവ ജനങ്ങൾക്കിടയിൽ പേടിസ്വപ്നമായിരുന്നു.
കഴിഞ്ഞമാസം 24 മുതൽ ആരംഭിച്ച തിരച്ചിൽ ഫലം കണ്ടത് ഇപ്പോഴാണ്.
Story highlight : Man eating tiger caught in Nilagiri .
