Gold theft in Palakkad: Man arrested for impersonating mystic

പാലക്കാട് നെല്ലായയിൽ സിദ്ധനായി വേഷം കെട്ടി സ്വർണ്ണം തട്ടിയ പ്രതി പിടിയിലായി. തെക്കുംകര സ്വദേശി റഫീഖ് മൗലവിയാണ് അറസ്റ്റിലായത്. മാർച്ച് 10-നാണ് കേസിനാസ്പദമായ സംഭവം നടന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഫേസ്ബുക്കിലൂടെ പരിചയപ്പെട്ട റഫീഖ്, വീട്ടിൽ നിധിയുണ്ടെന്നും അത് എടുത്തുതരാമെന്നും പറഞ്ഞ് വീട്ടമ്മയെ വിശ്വസിപ്പിച്ചു. നിധി പൊങ്ങി വരാൻ കയ്യിലുള്ള സ്വർണ്ണം നൽകണമെന്ന് ആവശ്യപ്പെട്ട് സ്വർണം തട്ടിയെടുക്കുകയായിരുന്നു. റഫീഖ് വീട്ടമ്മയോട് സ്വർണം മാറ്റാൻ ഒരു ദൂതനെ പറഞ്ഞുവിടാമെന്ന് പറഞ്ഞു.

എന്നാൽ ദൂതനായി എത്തിയത് റഫീഖ് തന്നെയായിരുന്നു. ഏഴ് ദിവസത്തിന് ശേഷം സ്വർണം പൊങ്ങി വരുമെന്നായിരുന്നു വീട്ടമ്മയോട് പറഞ്ഞിരുന്നത്. സമയം കഴിഞ്ഞിട്ടും സ്വർണം ലഭിക്കാതായതോടെ വീട്ടമ്മ റഫീഖിനെ ബന്ധപ്പെടാൻ ശ്രമിച്ചെങ്കിലും ഫോൺ സ്വിച്ച് ഓഫ് ആയിരുന്നു.

തുടർന്ന് തട്ടിപ്പ് മനസിലാക്കി പൊലീസിൽ പരാതി നൽകുകയായിരുന്നു. ഇന്നലെയാണ് പ്രതിയെ പിടികൂടിയത്. പത്ത് വർഷം മുമ്പ് സമാനമായ കേസ് പട്ടാമ്പി പൊലീസ് സ്റ്റേഷനിൽ ഇയാൾക്കെതിരെ രജിസ്റ്റർ ചെയ്തിട്ടുണ്ട്.

ശബരിമല നട തുറന്നു; മേടവിഷു, വിഷു പൂജകൾക്ക് ഒരുക്കം

സ്വർണ്ണം നൽകിയിട്ടും നിധി ലഭിക്കാതായതോടെയാണ് വീട്ടമ്മ പരാതി നൽകിയത്. ഈ സംഭവം പാലക്കാട് ജില്ലയിലെ നെല്ലായയിൽ നടന്നതാണ്, പ്രതി സിദ്ധനായി വേഷം കെട്ടിയാണ് തട്ടിപ്പ് നടത്തിയത്.

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്