കുവൈത്തില്‍ ശ്രീലങ്കന്‍ യുവാവ് കാമുകിയെ കഴുത്ത് ഞെരിച്ച് കൊലപ്പെടുത്തി.എന്നാൽ കൊലപാതകത്തിനു ശേഷം 24 വയസുകാരനായ ഇയാൾ പോലീസ് സ്റ്റേഷനിൽ കീഴടങ്ങുകയും തനിക്കും കാമുകിക്കുമിടയിലെ ചില വലിയ തര്‍ക്കങ്ങളാണ് കൊലപാതകത്തില്‍ കലാശിച്ചതെന്ന് പോലീസിന് മൊഴി നൽകുകയും ചെയ്തു.
ഫഹാഹീലിലെ ഒരു അപ്പാര്‍ട്ട്മെന്റിന്റെ പത്താം നിലയിലാണ് കൊലപാതകം നടന്നത്.
40 വയസുകാരിയായ ശ്രീലങ്കന്‍ സ്വദേശിനിയാണ് മരണപ്പെട്ടത്.കൊലപാതകത്തിന് പിന്നാലെ പലവട്ടം താന്‍ ആത്മഹത്യക്ക് ശ്രമിച്ചുവെന്നും എന്നാല്‍ ശ്രമങ്ങളെല്ലാം പരാജയപ്പെടുകയായിരുന്നുവെന്നും പൊലീസിന്റെ ചോദ്യം ചെയ്യലില്‍ ഇയാള്‍ പറഞ്ഞു.
ഫോറന്‍സിക് വിഭാഗം ഉദ്യോഗസ്ഥര്‍ സംഭവ സ്ഥലത്തെത്തി മൃതദേഹം ശാസ്‍ത്രീയ പരിശോധനയ്‍ക്കായി മാറ്റിയിട്ടുണ്ട്.
യുവാവിനെതിരെ ആസൂത്രിത കൊലപാതക കുറ്റത്തിന് കേസെടുത്തിട്ടുണ്ട്.
സംഭവത്തിൽ പബ്ലിക് പ്രോസിക്യൂഷന്‍ തുടര്‍ നടപടികളെടുത്തുവരികയാണ്.
Story highlight :Man arrested for killing his girlfriend in Kuwait.
