യുഎഇയിൽ സാമൂഹ്യമാധ്യമങ്ങളിൽ അശ്ലീല വീഡിയോകൾ പ്രചരിപ്പിച്ച സ്ത്രീയെയും പുരുഷനെയും അറസ്റ്റ് ചെയ്യാൻ ഫെഡറൽ പബ്ലിക് പ്രോസിക്യൂഷൻ ഉത്തരവിട്ടു.
സാമൂഹ്യ മര്യാദകളും ഓൺലൈൻ നിയമങ്ങളും ലംഘിക്കുന്ന വാക്കുകളും പ്രവർത്തികളും അടങ്ങുന്ന വീഡിയോ സ്നാപ്പ് ചാറ്റ് അക്കൗണ്ടിലൂടെയാണ് പ്രചരിപ്പിച്ചത്.
ഫെഡറൽ ബ്യൂറോ ഓഫ് ഇൻവെസ്റ്റിഗേഷൻ വീഡിയോ പരിശോധിച്ച ശേഷം സ്റ്റേറ്റ് അറ്റോർണി ജനറലിന് റിപ്പോർട്ട് സമർപ്പിച്ചു.
ഇവരുമായി ബന്ധപ്പെട്ട എല്ലാ സോഷ്യൽ മീഡിയ അക്കൗണ്ടുകളും തിരിച്ചറിഞ്ഞശേഷം ഇവരെ അറസ്റ്റ് ചെയ്യാൻ ഉത്തരവിടുകയായിരുന്നു അറ്റോർണി ജനറൽ.
പൊതു മര്യാദകളും നിയമങ്ങളും ലംഘിക്കുന്നവർക്കെതിരെ രാജ്യത്ത് കടുത്ത ശിക്ഷ ഏർപ്പെടുത്തുമെന്ന് അറ്റോർണി ജനറൽ പറഞ്ഞു.
കേസ് കോടതിയിലേക്ക് കൈമാറുന്നതിന് മുൻപുള്ള നടപടികൾ പൂർത്തിയാക്കി കൊണ്ടിരിക്കുകയാണെന്ന് ഉദ്യോഗസ്ഥർ അറിയിച്ചു.
Story highlight : Man and woman arrested for posting videos violating public rules.
