Makeup Artist RG Wayanadan Arrested With Hybrid Cannabis

പ്രശസ്ത സിനിമ മേക്കപ്പ് ആർട്ടിസ്റ്റ് ആയ ആർ. ജി. വയനാടൻ എന്ന രഞ്ജിത്ത് ഗോപിനാഥൻ ഹൈബ്രിഡ് കഞ്ചാവുമായി പിടിയിലായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇടുക്കി മൂലമറ്റം എക്സൈസ് കാഞ്ഞിറയിൽ നടന്ന വാഹന പരിശോധനയിലാണ് 45 ഗ്രാം ഹൈബ്രിഡ് കഞ്ചാവുമായി ഇയാൾ പിടിയിലായത്. ആവേശം, പൈങ്കിളി, സൂക്ഷ്മദർശിനി, രോമാഞ്ചം തുടങ്ങിയ സിനിമകളുടെ മേക്കപ്പ് ആർട്ടിസ്റ്റ് കൂടിയാണ് രഞ്ജിത്ത്. എക്സൈസ് വകുപ്പിന്റെ ‘ഓപ്പറേഷൻ ക്ലീൻ സ്റ്റേറ്റ്’ പരിശോധനയുടെ ഭാഗമായാണ് മൂലമറ്റം എക്സൈസ് സംഘം വാഹന പരിശോധന നടത്തിയത്.

ഞായറാഴ്ച പുലർച്ചെ മൂലമറ്റം എക്സൈസ് ഇൻസ്പെക്ടർ കെ. അഭിലാഷും സംഘവുമാണ് പ്രതിയെ പിടികൂടിയത്. അസിസ്റ്റന്റ് എക്സൈസ് ഇൻസ്പെക്ടർ (ട്രേഡ്) അജിത്ത് കുമാർ, പ്രിവന്റീവ് ഓഫീസർ (ട്രേഡ്) രാജേഷ് വി.

ആർ, സിവിൽ എക്സൈസ് ഓഫീസർമാരായ അഷറഫ് അലി, ചാൾസ് എഡ്വിൻ എന്നിവരും നടപടിയിൽ പങ്കെടുത്തു. വാഗമണ്ണിൽ നടക്കുന്ന അട്ടഹാസം എന്ന സിനിമയുടെ ഷൂട്ടിംഗ് ലൊക്കേഷനിലേക്ക് പോകുന്നതിനിടെയാണ് രഞ്ജിത്തിനെ പിടികൂടിയത്. അതീവ വീര്യമേറിയ 45 ഗ്രാം ഹൈബ്രിഡ് കഞ്ചാവാണ് ഇയാളിൽ നിന്ന് കണ്ടെടുത്തത്.

രാഷ്ട്രപതിയുടെ റഫറൻസിനെതിരെ കേരളം സുപ്രീംകോടതിയിൽ

രഞ്ജിത്തിനെതിരെ കൂടുതൽ അന്വേഷണം നടത്തിവരികയാണെന്ന് എക്സൈസ് വകുപ്പ് അറിയിച്ചു.

Story Highlights: Renowned makeup artist RG Wayanadan, also known as Ranjith Gopinathan, was apprehended with 45 grams of hybrid cannabis during a vehicle inspection in Moolamattom, Idukki.

പരവൂരിൽ കാർ യാത്രികരെ ആക്രമിച്ച് വാഹനം തീയിട്ടു; അജ്ഞാത സംഘത്തിനെതിരെ കേസ്