മുന്‍ ഡിജിപി ലോക്‌നാഥ് ബെഹ്‌റ കൊച്ചി മെട്രോ റെയില്‍ ലിമിറ്റഡ് എംഡിയായി ചുമതലയേറ്റു. കലൂരിലെ കെഎംആര്‍എല്‍ ആസ്ഥാനത്ത് എത്തിയാണ് ലോക്‌നാഥ് ബെഹ്‌റ ചുമതലയേറ്റത്. ബഹ്‌റയുടെ നിയമനം 3 വര്‍ഷത്തേക്കാണ്.
ചുമതലയിൽ നിന്നും അല്‍കേഷ് കുമാര്‍ ശര്‍മ ഒഴിഞ്ഞതു മുതൽ മെട്രോയ്ക്ക് സ്ഥിരം എംഡി ഇല്ലായിരുന്നു. ഗതാഗത സെക്രട്ടറി കെ.ആര്‍. ജ്യോതിലാലിനായിരുന്നു ചുമതല. ഇന്നലെ രാവിലെ ജ്യോതിലാല്‍ ബെഹ്‌റയ്ക്കു തിരുവനന്തപുരത്തു വച്ച് ചുമതല കൈമാറി.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
കൊച്ചി മെട്രോയുടെ ആറാമത്തെ എംഡിയാണ് ലോക്‌നാഥ് ബെഹ്‌റ. രണ്ടാഴ്ച മുന്‍പ് അദ്ദേഹത്തെ എംഡിയായി സര്‍ക്കാര്‍ തീരുമാനിച്ചുവെങ്കിലും കഴിഞ്ഞ ദിവസമാണ് ഉത്തരവ് പുറപ്പെടുവിച്ചത്.
Story highlight : Loknath Behra as Kochi Metro MD.
