Kundara Train Sabotage Attempt: Two Arrested

കൊല്ലം കുണ്ടറയിൽ റെയിൽവേ പാളത്തിന് കുറുകെ ടെലിഫോൺ പോസ്റ്റ് സ്ഥാപിച്ച സംഭവത്തിൽ രണ്ടുപേർ അറസ്റ്റിലായി. കുണ്ടറ സ്വദേശി രാജേഷ്, പെരുമ്പുഴ സ്വദേശി അരുൺ എന്നിവരെയാണ് പോലീസ് പിടികൂടിയത്. സിസിടിവി ദൃശ്യങ്ങളുടെ സഹായത്തോടെയാണ് പ്രതികളെ തിരിച്ചറിഞ്ഞതും അറസ്റ്റ് ചെയ്തതും. മദ്യലഹരിയിൽ ചെയ്തുപോയതാണെന്നും തെറ്റ് പറ്റിപ്പോയെന്നുമാണ് പ്രതികൾ പോലീസിന് മൊഴി നൽകിയിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുണ്ടറ ആറുമുറിക്കട പഴയ ഫയർ സ്റ്റേഷന് സമീപത്തുള്ള റെയിൽവേ പാളത്തിന് കുറുകെയാണ് ടെലിഫോൺ പോസ്റ്റ് കണ്ടെത്തിയത്. പുലർച്ചെ രണ്ട് മണിയോടെ പ്രദേശവാസികളാണ് പാളത്തിൽ പോസ്റ്റ് കണ്ടത് പോലീസിൽ വിവരമറിയിച്ചത്. വിവരമറിഞ്ഞ് എത്തിയ എഴുകോൺ പോലീസ് ഇരുമ്പ് പോസ്റ്റ് നീക്കം ചെയ്തു. കൊല്ലം റൂറൽ എസ്പിയുടെ നേതൃത്വത്തിൽ പ്രതികളുടെ ചോദ്യം ചെയ്യൽ തുടരുകയാണ്.

പോലീസ് പോയതിന് ശേഷം വീണ്ടും മൂന്ന് മണിയോടെ പാളത്തിൽ പോസ്റ്റ് പ്രത്യക്ഷപ്പെട്ടു. തുടർന്ന് പോലീസ് വീണ്ടുമെത്തി പോസ്റ്റ് നീക്കം ചെയ്തു. പാലരുവി എക്സ്പ്രസിനെ ലക്ഷ്യം വെച്ചായിരിക്കാം അട്ടിമറി ശ്രമമെന്നാണ് പ്രാഥമിക നിഗമനം. പെരുമ്പുഴ സ്വദേശി അരുൺ നേരത്തെ പോലീസിനെ അക്രമിച്ച കേസിലും പ്രതിയാണ്.

പ്രയാഗ മാർട്ടിനെതിരെ അപവാദ പ്രചാരണം; നടി നിയമനടപടിയുമായി മുന്നോട്ട്

പോലീസിന്റെ സമയോചിതമായ ഇടപെടലാണ് വൻ ദുരന്തം ഒഴിവാക്കിയത്. വൻ അപകടം തലനാരിഴയ്ക്ക് ഒഴിവായതായി അധികൃതർ അറിയിച്ചു. പ്രതികളുടെ മൊഴി അനുസരിച്ച് മദ്യലഹരിയിലാണ് ഇവർ ഈ കൃത്യം ചെയ്തത്. എന്നാൽ, സംഭവത്തിന്റെ പിന്നിലെ യഥാർത്ഥ ലക്ഷ്യം കണ്ടെത്താനുള്ള അന്വേഷണം പുരോഗമിക്കുകയാണ്.

Story Highlights: Two suspects have been arrested for placing a telephone pole across railway tracks in Kundara, Kollam, potentially aiming to sabotage the Palaruvi Express.

അട്ടപ്പാടിയിൽ കാട്ടാന ആക്രമണം: വയോധികൻ കൊല്ലപ്പെട്ടു; അടിയന്തര നടപടിക്ക് മന്ത്രിയുടെ നിർദേശം