Kerala Trader Threatens CITU Workers Amid Labor Dispute

**കുളപ്പുള്ളി◾:** സിഐടിയു പ്രവർത്തകരുടെ കൈവെട്ടുമെന്ന് വ്യാപാരി വ്യവസായി ഏകോപന സമിതി സംസ്ഥാന വൈസ് പ്രസിഡന്റ് ബാബു കോട്ടയിൽ ഭീഷണി മുഴക്കി. കുളപ്പുള്ളിയിൽ സിഐടിയു പ്രവർത്തകരും വ്യാപാരിയും തമ്മിലുള്ള തൊഴിൽ തർക്കത്തിനിടെയാണ് വിവാദ പരാമർശം ഉണ്ടായത്. വ്യാപാരികൾ നടത്തിയ ധർണയിൽ സംസാരിക്കവെയാണ് ബാബു കോട്ടയിൽ ഈ പ്രസ്താവന നടത്തിയത്. തങ്ങളെ എതിർക്കാൻ വന്നാൽ സിഐടിയു പ്രവർത്തകരുടെ കൈവെട്ടി നടുറോഡിൽ വലിച്ചെറിയുമെന്നാണ് അദ്ദേഹം പറഞ്ഞത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുളപ്പുള്ളിയിലെ പ്രകാശ് സ്റ്റീൽസ് ആൻഡ് സിമന്റ് കടയുടമ ജയപ്രകാശിന് പിന്തുണ പ്രഖ്യാപിച്ചാണ് ധർണ സംഘടിപ്പിച്ചത്. കോടതി വിധി നടപ്പാക്കുമെന്നും സിഐടിയു പ്രവർത്തകർ പൊട്ടക്കിണറ്റിലെ തവളകൾ മാത്രമാണെന്നും ബാബു കോട്ടയിൽ പറഞ്ഞു. ജയപ്രകാശിന് ഐക്യദാർഢ്യം പ്രഖ്യാപിച്ച് 22ന് ജില്ലയിൽ വ്യാപാരി ഹർത്താൽ പ്രഖ്യാപിച്ചിട്ടുണ്ട്.

സിമൻറ് ചാക്കുകൾ കയറ്റിയിറക്കാൻ യന്ത്രം വെച്ചതിനെ ചൊല്ലിയാണ് സിഐടിയുവുമായി തർക്കം ആരംഭിച്ചത്. നാല് മാസം മുൻപാണ് കടയിൽ കയറ്റിറക്ക് യന്ത്രം സ്ഥാപിച്ചത്. ഈ യന്ത്രം മൂലം തൊഴിൽ നഷ്ടമുണ്ടായെന്ന് ആരോപിച്ച് സിഐടിയു സമരം ആരംഭിക്കുകയായിരുന്നു. ലോഡ് ഇറക്കാൻ പോലും കഴിയാത്ത സാഹചര്യം ഉണ്ടായതിനെ തുടർന്ന് കടയുടമ കട അടയ്ക്കാൻ തീരുമാനിച്ചിരുന്നു.

എംഡിഎംഎയുമായി മൂന്ന് പേർ തിരുവനന്തപുരത്ത് പിടിയിൽ

Story Highlights: A Vyapari Vyavasayi Ekopana Samithi leader threatened to harm CITU workers during a labor dispute in Kulappulli.

പാലക്കാട് കുളപ്പുള്ളിയിൽ പ്രകാശ് സ്റ്റീൽസിന് മുന്നിൽ സിഐടിയു സംഘർഷം