കെപിഎസി ലളിതയുടെ ആരോഗ്യനില ഗുരുതരം ; കരൾമാറ്റ ശസ്ത്രക്രിയയ്ക്കായി o+ ഗ്രൂപ്പുള്ള കരൾ ദാതാക്കളെ തേടുന്നു.

കരൾ സംബന്ധമായ അസുഖം മൂലം ആശുപത്രിയിൽ ചികിത്സയിലായിരുന്ന നടി കെ.പിഎസി ലളിതയുടെ ആരോഗ്യനില ഗുരുതരം.

കരൾ രോഗ ബാധിതയായി ചികിത്സയിൽ കഴിയുന്ന താരത്തിന് കരൾമാറ്റ ശസ്ത്രക്രിയ അടിയന്തിരമായി നടത്തണമെന്നാണ് നിർദേശം.

ഈ സാഹചര്യത്തിൽ കരൾ ദാതാക്കളെ അന്വേഷിച്ചെത്തിയിരിക്കുകയാണ് താരത്തിന്റെ മകൾ ശ്രീക്കുട്ടി ഭരതൻ.

“അമ്മയുടെ ആരോഗ്യനില ഗുരുതരമാണ്.കരൾ മാറ്റിവെയ്‌ക്കൽ ശസ്ത്രക്രിയ അടിയന്തരമായി നടത്തണം.

ഒ പോസിറ്റവ് രക്തഗ്രൂപ്പുള്ള ആരോഗ്യമുള്ള മുതിർന്നവരുടെ കരളിന്റെ ഒരു ഭാഗം ആവശ്യമുണ്ട്‌.”-ശ്രീക്കുട്ടി ഫേസ്ബുക്കിലൂടെ കുറിച്ചു.

നിലവിൽ കൊച്ചിയിലെ സ്വകാര്യ ആശുപത്രിയിൽ ചികിത്സയിൽ കഴിയുകയാണ് നടി.തൃശ്ശൂരിലെ ആശുപത്രിയിൽ ചികിത്സയിൽ കഴിയവേ വിദഗ്ധ ചികിത്സയ്‌ക്കായാണ് നടിയെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചത്.

കുറച്ചു കാലമായി രോഗാവസ്ഥയിൽ കഴിയുകയായിരുന്നുവെങ്കിലും ടെലിവിഷൻ പരമ്പരകളിലുൾപ്പെടെ നടി സജീവമായിരുന്നു.

അടുത്തിടെ ഒരു തമിഴ് ചിത്രത്തിലും കെപിസി ലളിത അഭിനയിച്ചിരുന്നു.അവിടെ നിന്നും മടങ്ങിയെത്തിയ ശേഷം ആരോഗ്യനില ഗുരുതരമായതോടെ ആശുപത്രിയിൽ പ്രവേശിപ്പിക്കുകയായിരുന്നു.

Story highlight : KPAC Lalitha’s health is critical, Looking for liver donors in the ‘O+’ group for liver transplant surgery.