Kozhikode Murder: Husband Not Under Influence of Drugs, Says Police

ഈങ്ങാപ്പുഴയിൽ ഭാര്യ ഷിബിലയെ ക്രൂരമായി കൊലപ്പെടുത്തിയ യാസിർ ലഹരിയുടെ സ്വാധീനത്തിലായിരുന്നില്ലെന്ന് പോലീസ് സ്ഥിരീകരിച്ചു. വൈദ്യപരിശോധനയിലാണ് ഇക്കാര്യം വ്യക്തമായത്. പുതുതായി വാങ്ങിയ കത്തിയുമായാണ് യാസിർ ഭാര്യവീട്ടിലെത്തിയതെന്നും പോലീസ് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നോമ്പുതുറ സമയത്ത് ആൾപ്പെരുമാറ്റം കുറവായിരിക്കുമെന്ന കണക്കുകൂട്ടലിലാണ് ആ സമയം ആക്രമണത്തിനായി തിരഞ്ഞെടുത്തതെന്നും പോലീസ് സംശയിക്കുന്നു. ഷിബിലയുടെ ശരീരത്തിൽ പതിനൊന്ന് മുറിവുകളുണ്ടെന്ന് ഇൻക്വസ്റ്റ് റിപ്പോർട്ട് വ്യക്തമാക്കുന്നു. ആക്രമണത്തിൽ ഗുരുതരമായി പരിക്കേറ്റ ഷിബിലയുടെ പിതാവ് അബ്ദുറഹ്മാനെ ഇന്ന് അടിയന്തര ശസ്ത്രക്രിയയ്ക്ക് വിധേയമാക്കും.

തീവ്രപരിചരണ വിഭാഗത്തിൽ ചികിത്സയിലുള്ള അദ്ദേഹത്തിന്റെ നില ഗുരുതരമായി തുടരുന്നു. ഷിബിലയുടെ ഉമ്മ ഹസീനയുടെ ആരോഗ്യനില തൃപ്തികരമാണെന്നും വാർഡിലേക്ക് മാറ്റിയെന്നും ഡോക്ടർമാർ അറിയിച്ചു. യാസിർ സ്ഥിരമായി ലഹരി ഉപയോഗിച്ചിരുന്നതായും തന്നെ നിരന്തരം മർദ്ദിച്ചിരുന്നതായും ആരോപിച്ച് ഷിബില നേരത്തെ പരാതി നൽകിയിരുന്നെങ്കിലും പോലീസ് അത് അവഗണിച്ചുവെന്നും ആക്ഷേപമുണ്ട്.

പുതുപ്പാടിയിൽ സുബൈദയെ കൊലപ്പെടുത്തിയ ലഹരിക്ക് അടിമയായ മകൻ ആഷിഖുമായി യാസിറിന് സൗഹൃദമുണ്ടായിരുന്നുവെന്നും വിവരം ലഭിച്ചിട്ടുണ്ട്. ബാഗിൽ കത്തിയുമായാണ് യാസിർ എത്തിയതെന്നും തടയാൻ ശ്രമിച്ചവരെ ഭീഷണിപ്പെടുത്തിയെന്നും ദൃക്സാക്ഷി നാസർ പറഞ്ഞു. ഭാര്യവീട്ടിലെത്തിയ യാസിർ ആദ്യം ഷിബിലയെയാണ് ആക്രമിച്ചത്.

സംസ്ഥാനത്ത് വൈദ്യുതി സുരക്ഷ ശക്തമാക്കുന്നു; ജില്ലാതല കമ്മിറ്റികൾ ഉടൻ

6. 35ഓടെയാണ് സംഭവം. തടയാൻ ശ്രമിച്ച ഷിബിലയുടെ മാതാപിതാക്കൾക്കും വെട്ടേറ്റു.

Story Highlights: Yasir, accused of murdering his wife Shibila in Kozhikode, was not under the influence of drugs, confirms police investigation.

ദേശീയ പവർലിഫ്റ്റിംഗ് ചാമ്പ്യൻഷിപ്പിന് കോഴിക്കോട്ട് തുടക്കം