Kochi sex trafficking ring busted, Bangladeshi woman rescued

കൊച്ചിയിൽ പെൺവാണിഭ സംഘം പോലീസ് പിടിയിലായി. എളമക്കര പോലീസ് രണ്ട് സ്ത്രീകളടക്കം മൂന്ന് പേരെ കസ്റ്റഡിയിലെടുത്തു. സംഘത്തിൻ്റെ കൈവശമുണ്ടായിരുന്ന ബംഗ്ളാദേശ് സ്വദേശിനിയായ 20 കാരിയെ പോലീസ് മോചിപ്പിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബംഗളൂരുവിൽ നിന്നാണ് സംഘം യുവതിയെ കൊച്ചിയിൽ എത്തിച്ചത്. ഒരാഴ്ചയ്ക്കിടെ 20 പേർക്ക് പെൺകുട്ടിയെ കാഴ്ചവച്ചതായി പോലീസ് പറഞ്ഞു. ജഗദ, സെറീന എന്നീ രണ്ട് സ്ത്രീകളാണ് സംഘത്തെ നിയന്ത്രിച്ചിരുന്നത്.

ഇവർക്കൊപ്പം മലയാളിയായ ശ്യാം എന്നയാളും പിടിയിലായി. കൂടുതൽ പേർ പ്രതികളാകുമെന്നാണ് പോലീസ് നൽകുന്ന വിവരം. കേരളത്തിലും പുറത്തും വേരുകളുള്ള വലിയ പെൺവാണിഭ സംഘമാണ് ഇതിന് പിന്നിലെന്ന് പോലീസ് സംശയിക്കുന്നു.

12 വയസ്സ് മുതൽ ബംഗളൂരുവിൽ ആയിരുന്ന പെൺകുട്ടിയെ പെൺവാണിഭ സംഘം ഒരാഴ്ച മുമ്പാണ് കൊച്ചിയിൽ എത്തിച്ചത്. ബംഗളൂരു സ്വദേശിനിയായ സെറീനയാണ് പെൺകുട്ടിയെ കൊച്ചിയിൽ എത്തിച്ചത്. മനക്കപ്പറമ്പ് കേന്ദ്രീകരിച്ച് പെൺവാണിഭം നടത്തുന്നതിനിടെ പോലീസിന് ലഭിച്ച രഹസ്യ വിവരമാണ് അന്വേഷണത്തിന്റെ തുടക്കമായത്.

സ്വർണത്തരി മണ്ണ് തട്ടിപ്പ്: ഗുജറാത്ത് സംഘം കൊച്ചിയിൽ പിടിയിൽ

പെൺകുട്ടിയെ ബി എൻ എസ്എസ് 183 പ്രകാരം മജിസ്ട്രേറ്റ് മുന്നിൽ ഹാജരാക്കി രഹസ്യമൊഴി രേഖപ്പെടുത്തി.

Story Highlights: Sex trafficking ring busted in Kochi, rescuing a 20-year-old Bangladeshi woman and arresting three suspects including two women.

മകനൊപ്പം സ്കൂട്ടറിൽ സഞ്ചരിച്ച യുവാവിനു നേരെ ബിയർ കുപ്പി എറിഞ്ഞു; യുവാവിനും മകനും പരുക്ക്