കാക്കനാട്ടെ കസ്റ്റംസ് ക്വാര്ട്ടേഴ്സില് അഡീഷണല് കമ്മീഷണര് മനീഷ് വിജയിനെയും കുടുംബത്തെയും മരിച്ച നിലയില് കണ്ടെത്തിയ സംഭവത്തില് പോസ്റ്റ്മോര്ട്ടം ഇന്ന് നടക്കും. മനീഷ് വിജയ്, സഹോദരി ശാലിനി വിജയ്, അമ്മ ശകുന്തള അഗര്വാള് എന്നിവരുടെ മൃതദേഹങ്ങളില് ഇന്നലെ ഇന്ക്വസ്റ്റ് പൂര്ത്തിയാക്കി. മൂന്നുപേരുടെയും മരണത്തില് ദുരൂഹത നിലനില്ക്കുന്ന സാഹചര്യത്തില് പോലീസ് അന്വേഷണം ഊര്ജിതമാക്കിയിട്ടുണ്ട്. തൃക്കാക്കര പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. മനീഷ് വിജയിയുടെയും സഹോദരി ശാലിനിയുടെയും മരണം ആത്മഹത്യയാണെന്ന് പോലീസ് സ്ഥിരീകരിച്ചു.
എന്നാല്, ശകുന്തളയുടെ മരണകാരണം ഇതുവരെ വ്യക്തമല്ല. പോസ്റ്റ്മോര്ട്ടം റിപ്പോര്ട്ട് ലഭിച്ചാല് മാത്രമേ ഇക്കാര്യത്തില് വ്യക്തത വരു എന്നാണ് പോലീസ് പറയുന്നത്. കഴിഞ്ഞ ദിവസം രാത്രിയാണ് മൂവരെയും മരിച്ച നിലയില് കണ്ടെത്തിയത്. മനീഷിന്റെയും ശാലിനിയുടെയും മൃതദേഹങ്ങള് തൂങ്ങിമരിച്ച നിലയിലായിരുന്നു. ശകുന്തളയുടെ മൃതദേഹം കട്ടിലില് കിടക്കുന്ന നിലയിലാണ് കണ്ടെത്തിയത്.
മൃതദേഹങ്ങള്ക്ക് ദിവസങ്ങളുടെ പഴക്കമുണ്ടെന്നാണ് പ്രാഥമിക നിഗമനം. ജാര്ഖണ്ഡ് സ്വദേശിയായ മനീഷ് വിജയ് കാക്കനാട്ടെ കസ്റ്റംസ് ക്വാര്ട്ടേഴ്സിലായിരുന്നു താമസം. അമ്മയും സഹോദരിയും കുറച്ചു നാളുകള്ക്ക് മുന്പാണ് മനീഷിനൊപ്പം താമസിക്കാനെത്തിയത്. കഴിഞ്ഞ വര്ഷം ജാര്ഖണ്ഡ് പബ്ലിക് സര്വീസ് കമ്മീഷന് പരീക്ഷയില് ഒന്നാം റാങ്ക് നേടിയ ശാലിനി അവിടെ ജോലിയില് പ്രവേശിച്ചിരുന്നു. ഒരാഴ്ചത്തെ അവധി കഴിഞ്ഞിട്ടും മനീഷ് ഓഫീസില് എത്താതിരുന്നതിനെ തുടര്ന്ന് സഹപ്രവര്ത്തകര് ക്വാര്ട്ടേഴ്സില് അന്വേഷിച്ചെത്തിയിരുന്നു.
വീട്ടില് നിന്ന് ദുര്ഗന്ധം വമിച്ചതിനെ തുടര്ന്ന് പോലീസിനെ വിവരമറിയിക്കുകയായിരുന്നു. തുടര്ന്ന് പോലീസ് എത്തി വീടിന്റെ കതക് പൊളിച്ചാണ് മൃതദേഹങ്ങള് കണ്ടെത്തിയത്. മനീഷും കുടുംബവും ആരുമായും കാര്യമായ ബന്ധം പുലര്ത്തിയിരുന്നില്ലെന്ന് പ്രദേശവാസികള് പറയുന്നു. ഓഫീസിലും മനീഷ് അധികമാരുമായും സൗഹൃദം പുലര്ത്തിയിരുന്നില്ല. മൂന്ന് മുറികളിലായാണ് മൃതദേഹങ്ങള് കണ്ടെത്തിയത്.
**ആത്മഹത്യ ഒരു പ്രശ്നത്തിനും പരിഹാരമല്ല.
Story Highlights: Three members of a family, including a Customs official, were found dead in their Kochi residence.
നെടുമ്പാശ്ശേരി വിമാനത്താവളത്തിൽ 1078 ഗ്രാം സ്വർണ്ണമിശ്രിതം പിടികൂടി. സ്വർണ്ണം ഗുളിക രൂപത്തിലാക്കി ശരീരത്തിൽ Read more
ബലാത്സംഗ കേസിൽ പ്രതിയായ വേടന് വേണ്ടിയുള്ള അന്വേഷണം ശക്തമാക്കി പൊലീസ്. പ്രതിയെ പിടികൂടാനായി Read more
കൊച്ചിയിൽ ദുബായിൽ ഉയർന്ന ശമ്പളമുള്ള ജോലി വാഗ്ദാനം ചെയ്ത് തട്ടിപ്പ് നടത്തിയെന്ന് പരാതി. Read more
കൊച്ചി നഗരത്തിലെ സ്വകാര്യ ബസുകളുടെ മത്സരയോട്ടം നിയന്ത്രിക്കാൻ അടിയന്തര നടപടി വേണമെന്ന് എ.ഐ.വൈ.എഫ് Read more
കേരള ക്രിക്കറ്റ് ലീഗിന്റെ രണ്ടാം സീസണിന് മുന്നോടിയായുള്ള ട്രോഫി ടൂർ കൊച്ചിയിൽ ആരംഭിച്ചു. Read more
പാലക്കാട് കിഴക്കഞ്ചേരിയിൽ തരിശുഭൂമിയിലെ വെള്ളക്കെട്ടിൽ വീണ് നാലര വയസ്സുകാരൻ മരിച്ചു. കിഴക്കഞ്ചേരി ജോമോൻ്റെ Read more
കൊച്ചിയിൽ ഇന്ന് ജ്ഞാനസഭ ആരംഭിക്കും. ആർഎസ്എസ് മേധാവി മോഹൻ ഭാഗവത് പരിപാടിയിൽ പങ്കെടുക്കും. Read more
അമേരിക്കൻ റെസ്ലിങ് താരം ഹൾക്ക് ഹോഗൻ ഹൃദയാഘാതത്തെ തുടർന്ന് ഫ്ലോറിഡയിൽ അന്തരിച്ചു. 71 Read more
അബുദാബിയിൽ മലയാളി വനിതാ ഡോക്ടർ ധനലക്ഷ്മിയെ താമസസ്ഥലത്ത് മരിച്ച നിലയിൽ കണ്ടെത്തി. കണ്ണൂർ Read more
കോട്ടയത്ത് തെങ്ങിന് മുകളിൽ കരിക്കിടാൻ കയറിയ യുവാവ് മരിച്ചു. വൈക്കം ഉദയനാപുരം സ്വദേശി Read more
