Kerala Police Arrest Serial Temple Thief in Chalakudy

പള്ളികളും അമ്പലങ്ങളും കേന്ദ്രീകരിച്ച് സ്ഥിരമായി മോഷണം നടത്തുന്ന ഒരു വ്യക്തിയെ കസബ പോലീസും സിറ്റി ക്രൈം സ്ക്വാഡും സംയുക്തമായി പിടികൂടി. ഫറോക്ക് വെസ്റ്റ് നെല്ലൂർ സ്വദേശിയായ മനോജ് കുമാർ (58) ആണ് അറസ്റ്റിലായത്. കഴിഞ്ഞമാസം ഏഴാം തീയതി ശ്രീകണ്ഠേശ്വരം ക്ഷേത്രത്തിലെ ശാന്തിക്കാരുടെ റൂമിൽ നിന്ന് 75,000 രൂപ വിലമതിക്കുന്ന നാല് മൊബൈൽ ഫോണുകൾ മോഷ്ടിച്ച് കടന്നുകളഞ്ഞതാണ് കേസിനാധാരം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ക്ഷേത്രത്തിന്റെയും സമീപത്തെ കടകളുടെയും സിസിടിവി ദൃശ്യങ്ങൾ പരിശോധിച്ചാണ് പ്രതിയെ തിരിച്ചറിഞ്ഞത്. ഒളിവിൽ പോയിരുന്ന പ്രതിയെ തൃശ്ശൂർ ജില്ലയിലെ ചാലക്കുടിയിലുള്ള ഒരു ബാറിൽ നിന്നാണ് പിടികൂടിയത്. ചോദ്യം ചെയ്യലിൽ, സുൽത്താൻബത്തേരിയിലും മലപ്പുറത്തും സമാന കേസുകൾ ഉള്ളതായി വ്യക്തമായി.

ചിത്രകലാ പ്രാവീണ്യമുള്ള പ്രതി, ക്രിസ്ത്യൻ ദേവാലയങ്ങളിലെ പുരോഹിതരുമായി അടുപ്പം സ്ഥാപിച്ച് ചിത്രങ്ങളും ചുമരെഴുത്തുകളും എഴുതിക്കൊടുത്ത് വിശ്വാസം നേടിയ ശേഷം മോഷണം നടത്തി മുങ്ങുന്ന രീതിയാണ് സ്വീകരിച്ചിരുന്നത്. കസബ ഇൻസ്പെക്ടർ ഗോപകുമാർ ജി, സബ് ഇൻസ്പെക്ടർ ജഗമോഹൻ ദത്തൻ ആർ തുടങ്ങിയവരടങ്ങുന്ന സംഘമാണ് അന്വേഷണം നടത്തിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

കൊണ്ടോട്ടിയിൽ സ്കൂളുകളിൽ മിന്നൽ പരിശോധന; പ്രായപൂർത്തിയാകാത്ത കുട്ടികൾ ഓടിച്ച 20 ഇരുചക്രവാഹനങ്ങൾ പിടിച്ചെടുത്തു

Story Highlights: Temple thief arrested in Kerala for stealing mobile phones worth Rs 75,000 from Srikanteshwaram temple

39 വർഷം മുൻപത്തെ കൊലപാതകം; പ്രതിയുടെ കുറ്റസമ്മതം