Kerala Govt to Celebrate 4th Anniversary With Statewide Events

രണ്ടാം പിണറായി വിജയൻ മന്ത്രിസഭയുടെ നാലാം വാർഷികാഘോഷങ്ങൾക്ക് തുടക്കമാകുന്നു. ഏപ്രിൽ 21 മുതൽ മെയ് 21 വരെ നീണ്ടുനിൽക്കുന്ന ആഘോഷ പരിപാടികൾ സംസ്ഥാനത്തെ വിവിധ ജില്ലകളിലായി നടക്കും. തദ്ദേശ സ്വയംഭരണ സ്ഥാപനങ്ങൾ മുതൽ സംസ്ഥാനതലം വരെയുള്ള വിവിധ തലങ്ങളിൽ പരിപാടികൾ സംഘടിപ്പിക്കും. വികസന-ക്ഷേമ പ്രവർത്തനങ്ങളുടെ നേട്ടങ്ങൾ ജനങ്ങളിലെത്തിക്കുക എന്ന ലക്ഷ്യത്തോടെയാണ് ആഘോഷങ്ങൾ സംഘടിപ്പിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സർക്കാരിന്റെ നേട്ടങ്ങളും പ്രവർത്തനങ്ങളും അവതരിപ്പിക്കുന്ന പ്രദർശന-വിപണന മേളകളും പരിപാടിയുടെ ഭാഗമായി സംഘടിപ്പിക്കും. ഈ മേളകൾ ഓരോ ജില്ലയിലും ഒരാഴ്ച നീണ്ടുനിൽക്കും. ഏപ്രിൽ 21ന് കാസർഗോഡ് ജില്ലയിൽ ആരംഭിക്കുന്ന പരിപാടികൾ മെയ് 21ന് തിരുവനന്തപുരത്ത് സമാപിക്കും. കാസർഗോഡ്, വയനാട്, പത്തനംതിട്ട, ഇടുക്കി, കോട്ടയം, പാലക്കാട്, കൊല്ലം, എറണാകുളം, മലപ്പുറം, കോഴിക്കോട്, കണ്ണൂർ, ആലപ്പുഴ, തൃശ്ശൂർ, തിരുവനന്തപുരം എന്നീ ജില്ലകളിലാണ് മുഖ്യമന്ത്രി പങ്കെടുക്കുന്ന പരിപാടികൾ നടക്കുക.

വിവിധ ആനുകൂല്യങ്ങൾ ലഭിച്ച ഗുണഭോക്താക്കളുടെയും പ്രമുഖ വ്യക്തികളുടെയും യോഗങ്ങളും പരിപാടികളുടെ ഭാഗമായി സംഘടിപ്പിക്കും. സംസ്ഥാനതലത്തിൽ വിവിധ വിഭാഗങ്ങളുമായി സർക്കാർ ചർച്ചകൾ നടത്തും. യുവജനങ്ങൾ, വനിതകൾ, പട്ടികജാതി-പട്ടികവർഗ്ഗ വിഭാഗങ്ങൾ, സാംസ്കാരിക രംഗത്തുള്ളവർ, ഗവേഷണ വിദ്യാർത്ഥികൾ, പ്രൊഫഷണലുകൾ എന്നിവരുമായി മുഖ്യമന്ത്രിയും മന്ത്രിമാരും ചർച്ച നടത്തും. ഈ ചർച്ചകൾ കോഴിക്കോട്, എറണാകുളം, തൃശ്ശൂർ, കോട്ടയം, തിരുവനന്തപുരം, പാലക്കാട് എന്നീ ജില്ലകളിലായാണ് സംഘടിപ്പിക്കുന്നത്.

രോഹിത് വെള്ളക്കുപ്പായം അഴിച്ചു; അകലുന്നത് ടെസ്റ്റ് ക്രിക്കറ്റിലെ ‘സമാനതകളില്ലാത്ത ആക്രമണ ബാറ്റിംഗ് മുഖം’

ജില്ലാതലത്തിലും സംസ്ഥാനതലത്തിലും വിവിധ വകുപ്പുകളുടെ നേതൃത്വത്തിലാണ് ഈ ചർച്ചകൾ നടക്കുക. യുവജനക്ഷേമ വകുപ്പ്, വനിതാ വികസന വകുപ്പ്, എസ്. സി/എസ്. ടി വകുപ്പ്, സാംസ്കാരിക വകുപ്പ്, ഉന്നത വിദ്യാഭ്യാസ വകുപ്പ്, ആരോഗ്യ വകുപ്പ്, സയൻസ് & ടെക്നോളജി വകുപ്പ് എന്നിവയാണ് ചർച്ചകൾക്ക് നേതൃത്വം നൽകുക.

പ്രദർശനങ്ങൾ, ചർച്ചകൾ, കായിക മത്സരങ്ങൾ തുടങ്ങിയവയും ആഘോഷ പരിപാടികളുടെ ഭാഗമായി സംഘടിപ്പിക്കും. ജില്ലാതല സംഘാടക സമിതികളും രൂപീകരിച്ചിട്ടുണ്ട്. ജില്ലാ ചുമതലയുള്ള മന്ത്രിമാർ ചെയർമാനായും ജില്ലാ കളക്ടർ ജനറൽ കൺവീനറായുമുള്ള കമ്മിറ്റികളാണ് പരിപാടികൾക്ക് നേതൃത്വം നൽകുക.

Story Highlights: The second Pinarayi Vijayan government is set to celebrate its fourth anniversary with a series of events across Kerala from April 21 to May 21, 2025.

ധീരജിനെ കുത്തിയ കത്തിക്ക് പുഷ്പചക്രം; യൂത്ത് കോൺഗ്രസിന് കെ.കെ. രാഗേഷിന്റെ മുന്നറിയിപ്പ്

മെസിയുടെ കേരളത്തിലേക്കുള്ള വരവ്: സർക്കാരിനെതിരെ വി.ടി. ബൽറാം