ഇന്ന് ചേർന്ന തൃശൂർ ജില്ലാ കമ്മിറ്റി യോഗത്തിലാണ് പാർട്ടി എട്ട് പേർക്കെതിരെ നടപടി സ്വീകരിച്ചത്.
ബിജു കരീം, ജിൽസ്, സുനിൽകുമാർ, മുൻ ഭരണസമിതി പ്രസിഡന്റ് ദിവാകരൻ എന്നീ കേസിൽ പ്രതികളായവരെ പുറത്താക്കുകയും ഏരിയാ കമ്മിറ്റിയിലേക്ക് രണ്ട് ജില്ലാ കമ്മിറ്റി അംഗങ്ങളെ തരംതാഴ്ത്തുകയും ചെയ്തു.
ഒരു വർഷത്തേയ്ക്ക് സിപിഐഎം ജില്ലാ സെക്രട്ടേറിയറ്റ് അംഗം സി. കെ ചന്ദ്രനെ സസ്‌പെൻഡ് ചെയ്തു. മറ്റൊരു നടപടി ഇരിങ്ങാലക്കുട ഏരിയാ സെക്രട്ടറിയെ മാറ്റിയതാണ്.
കഴിഞ്ഞ ദിവസമാണ് കരുവന്നൂർ സർവീസ് സഹകരണ ബാങ്കിൽ വൻ വായ്പ തട്ടിപ്പ് നടന്നുവെന്ന വാർത്ത പുറത്ത് വരുന്നത്. കേസിന് ആസ്പദമായ സംഭവം നടന്നത് 2014, 20 കാലഘട്ടത്തിലാണ്.
പണം പിൻവലിക്കാൻ നിക്ഷേപകർ എത്തിപ്പോൾ പണം ലഭ്യമാകാതെ വരികയും തുടർന്ന് പരിശോധന ആരംഭിക്കുകയും ചെയ്തിരുന്നു. വൻ തട്ടിപ്പ് കണ്ടെത്തിയത് ഇതേത്തുടർന്നാണ്.
സിപിഐഎമ്മിനെ സംബന്ധിച്ചിടത്തോളം കരുവന്നൂർ സഹകരണ ബാങ്ക് തട്ടിപ്പ് ഏറെ നാണക്കേടുണ്ടാക്കിയ സംഭവമായിരുന്നു.
സംസ്ഥാന നേതൃത്വം ജില്ലാ നേതൃത്വത്തിന് വീഴ്ച സംഭവിച്ചുവെന്ന് കുറ്റപ്പെടുത്തിയിരുന്നു. ജില്ലാ കമ്മിറ്റി യോഗം ഇതിന് പിന്നാലെയാണ് നടപടി സ്വീകരിച്ചത്.
Story highlight : Karuvannur Co-operative Bank scam, Four employees were fired.
