സിപിഐ നേതാവ് കനയ്യ കുമാർ കോൺഗ്രസിൽ ചേരുമെന്ന റിപ്പോർട്ടുകൾ തള്ളി സിപിഐ ദേശീയ ജനറൽ സെക്രട്ടറി ഡി രാജ.
ഇത്തരത്തിലുള്ള റിപ്പോർട്ടുകൾ അടിസ്ഥാനരഹിതമെന്ന് ഡി രാജ പ്രതികരിച്ചു.
കനയ്യകുമാർ കോൺഗ്രസിൽ ചേരുന്നെന്ന വാർത്തകളോട് സിപിഐ സംസ്ഥാന സെക്രട്ടറി കാനം രാജേന്ദ്രനും ദേശീയ സെക്രട്ടറി ഡി രാജയും നേരത്തെ പ്രതികരിച്ചിരുന്നു.
സിപിഐ ദേശീയ എക്സിക്യൂട്ടീവ് അംഗവും യുവ നേതാവുമായ കനയ്യകുമാർ പാർട്ടി വിടുന്നത് സിപിഐക്ക് ഗുണം ചെയ്യില്ലെന്നാണ് കണ്ടെത്തൽ. അതേസമയം കനയ്യ കുമാറും ജിഗ്നേഷ് മേവാനിയും അടുത്ത ആഴ്ച കോൺഗ്രസിൽ ചേരുമെന്നാണ് പുറത്തുവരുന്ന റിപ്പോർട്ട്.
കോൺഗ്രസിൽ ചേരുന്നതുമായി ബന്ധപ്പെട്ട് കനയ്യകുമാർ രാഹുൽ ഗാന്ധിയുമായി ചർച്ച നടത്തിയെന്നാണ് സൂചന. എന്നാൽ ഔദ്യോഗികമായ സ്ഥിരീകരണം ഉണ്ടായിട്ടില്ല. കോൺഗ്രസ് നേതൃത്വവും ഇക്കാര്യത്തിൽ ഔദ്യോഗിക പ്രതികരണം നടത്തിയിട്ടില്ല.
ഗുജറാത്തിലെ വർക്കിംഗ് പ്രസിഡണ്ടായി ജിഗ്നേഷ് മേവാനിയും ബിഹാറിലെ വർക്കിംഗ് പ്രസിഡണ്ടായി കനയ്യകുമാറും എത്തുമെന്നാണ് സ്ഥിരീകരിക്കാത്ത റിപ്പോർട്ടുകൾ.
Story Highlights: Kanhaiya kumar to congress says reports
