ഹൈദരാബാദ് : തെലങ്കാനയിൽ ആറുവയസ്സുകാരിയെ ക്രൂരമായി പീഡിപ്പിച്ചു കൊന്ന കേസിൽ പൊലീസ് തിരയുന്ന പ്രതിയായ പല്ലാകൊണ്ട സ്വദേശി രാജുവിനെ (30) ഇന്നു രാവിലെ റെയിൽവേ ട്രാക്കിൽ മരിച്ച നിലയിൽ കണ്ടെത്തി.
തൊഴിൽ മന്ത്രി മല്ല റെഡ്ഡി പ്രതിയെ ഏറ്റുമുട്ടലിൽ കൊല്ലുമെന്ന് മുൻപ് പറഞ്ഞിരുന്നു. ഇതിനു പിന്നാലെയാണ് പ്രതിയുടെ മൃതദേഹം റെയിൽവേ ട്രാക്കിൽ കണ്ടെത്തിയത്. പ്രതിയെക്കുറിച്ച് വിവരം നൽകുന്നവർക്ക് സർക്കാർ 10 ലക്ഷം രൂപ പ്രഖ്യാപിക്കുകയും പ്രതിയുടെ ചിത്രങ്ങൾ പോലീസ് പുറത്തുവിടുകയും ചെയ്തിരുന്നു.
സമീപവാസിയായ പെൺകുട്ടിയെയാണ് ഇയാൾ പീഡിപ്പിച്ചു കൊലപ്പെടുത്തിയത്. പ്രതിയുടെ വീട്ടിൽ ബെഡ്ഷീറ്റിൽ പൊതിഞ്ഞ നിലയിലായിരുന്നു പെൺകുട്ടിയുടെ മൃതദേഹം. ഒളിവിലായിരുന്ന പ്രതിയെ കണ്ടെത്താനായി പോലീസ് അന്വേഷണം വ്യാപകമാക്കിയതിനിടെയാണ് പ്രതിയെ മരിച്ച നിലയിൽ കണ്ടെത്തിയത്.
Story highlight : Hyderabad POCSO Murder Accused Found Dead in railway track.
