Malayali Nexus Behind Hybrid Cannabis Smuggling from Thailand to Kerala

തായ്ലൻഡിൽ നിന്നുള്ള ഹൈബ്രിഡ് കഞ്ചാവ് കടത്തിന് പിന്നിൽ മലയാളി സംഘമെന്ന് റിപ്പോർട്ട്. ബാങ്കോക്കിൽ കഞ്ചാവ് നിയമവിധേയമായതിന്റെ മറവിൽ കേരളത്തിലേക്ക് കഞ്ചാവ് കടത്തുന്നതായാണ് വിവരം. കഴിഞ്ഞ മൂന്ന് മാസത്തിനിടെ കേരളത്തിൽ നിന്ന് 50 കോടി രൂപയുടെ ഹൈബ്രിഡ് കഞ്ചാവ് പിടികൂടിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പോളിത്തീൻ ഹൗസുകളിൽ പ്രത്യേക താപനിലയിൽ ഏക്കർ കണക്കിന് ഹൈബ്രിഡ് കഞ്ചാവ് തായ്ലൻഡിൽ കൃഷി ചെയ്യുന്നുണ്ട്. കഞ്ചാവ് മിഠായി, ഐസ്ക്രീം തുടങ്ങി വിവിധ രൂപങ്ങളിൽ തായ്ലൻഡിലെ വീഡ് ഷോപ്പുകളിൽ ലഭ്യമാണ്. ബാങ്കോക്കിൽ നിന്ന് കൊച്ചിയിലേക്ക് മൂന്നര മണിക്കൂർ കൊണ്ട് എത്താമെന്നതിനാൽ കടത്തിന് ഈ റൂട്ട് തിരഞ്ഞെടുക്കുന്നതായും റിപ്പോർട്ടുകളുണ്ട്.

2022 മുതൽ തായ്ലൻഡിൽ കഞ്ചാവ് നിയമവിധേയമാണ്. ഇത് മുതലെടുത്താണ് ചിലർ കേരളത്തിലേക്ക് ഹൈബ്രിഡ് കഞ്ചാവ് കടത്തുന്നതെന്ന് ബാങ്കോക്കിലെ മലയാളിയും ടൂറിസ്റ്റ് ഓപ്പറേറ്ററുമായ അജോയ് പറഞ്ഞു. സ്ത്രീകളെയും യുവാക്കളെയും കാരിയർമാരായി ഉപയോഗിച്ചാണ് കടത്ത് നടത്തുന്നത്. ആലപ്പുഴയിൽ എക്സൈസ് പിടിയിലായ തസ്ലീമ തായ്ലൻഡിൽ നിന്ന് ഹൈബ്രിഡ് കഞ്ചാവ് എത്തിച്ചിരുന്നതായും വിവരമുണ്ട്.

ബാങ്കോക്കിൽ ഏകദേശം 1000 മലയാളികൾ താമസിക്കുന്നുണ്ട്. കേരളത്തിൽ ഹൈബ്രിഡ് കഞ്ചാവ് പിടികൂടുന്ന കേസുകളിൽ ബാങ്കോക്കിന്റെ പേര് കൂട്ടിക്കെട്ടുന്നതിൽ അവിടുത്തെ മലയാളികൾ നിരാശ പ്രകടിപ്പിച്ചു. കഞ്ചാവ് കടത്തിന്റെ പുതിയ ഇടനാഴിയായി ബാങ്കോക്ക് – കൊച്ചി റൂട്ട് മാറിയിരിക്കുകയാണ്.

മൂവാറ്റുപുഴയിൽ 30 കിലോ കഞ്ചാവുമായി മൂന്ന് പേർ പിടിയിൽ

Story Highlights: A Malayali nexus is reportedly behind the smuggling of hybrid cannabis from Thailand to Kerala.

മൂവാറ്റുപുഴയിൽ വൻ കഞ്ചാവ് വേട്ട; യുവതിയുൾപ്പടെ മൂന്ന് പേർ പിടിയിൽ