കൊല്ലത്ത് കാട്ടുപന്നിക്കൂട്ടം ബൈക്ക് യത്രികനെ ആക്രമിച്ചു.

കൊല്ലം തെന്മലയില്‍ കാട്ടുപന്നിക്കൂട്ടം ബൈക്ക് യാത്രികനെ ഇടിച്ചിട്ടു.ആനച്ചാടി സ്വദേശി അശോകനാണ് (43) കാട്ടുപന്നികളുടെ അക്രമണത്തിനു ഇരയായത്.

ഞായറാഴ്ച സന്ധ്യയ്ക്ക് 6 മണിക്ക് കഴുതുരുട്ടി – തകരപ്പുര പാതയിൽ പളിയൻപാറയ്ക്കു സമീപത്തു വച്ചായിരുന്നു സംഭവം.

ജോലി കഴിഞ്ഞ് വീട്ടിലേക്ക് മടങ്ങുകയായിരുന്ന അശോകനെ പത്തിലേറേയുള്ള പന്നികളുടെ കൂട്ടം ഇടിച്ചിടുകയായിരുന്നു.

അക്രമണത്തെ തുടർന്ന് അരമണിക്കൂറോളം ബോധ രഹിതനായി റോഡിൽ കിടന്ന അശോകനെ യാത്രക്കാരാണ് ആശുപത്രിയിൽ എത്തിച്ചത്.

ഇതേ പാതയിൽത്തന്നെ മുൻപ് മറ്റൊരു ബൈക്ക് യാത്രികനെ മ്ലാവ് ഇടിച്ച് പരുക്കേൽപ്പിച്ചിരുന്നു.

തെന്മല ഡാം – പത്തേക്കർ പാതയില്‍ ഒരു മാസം മുൻപ് ഉറുകുന്ന് സ്വദേശിയായ രാധാകൃഷ്ണൻ എന്നയാളെയും പന്നിക്കൂട്ടം ഇടിച്ചു തെറിപ്പിച്ചിരുന്നു.

Story highlight : Herd of wild boars attacked a biker in Kollam.