Hello Mummy: Malayalam Horror-Comedy Hit Enters 4th Week

നാലാം വാരത്തിലേക്ക് കടന്ന് ‘ഹലോ മമ്മി’ എന്ന ചിത്രം പ്രേക്ഷകരുടെ മനം കവർന്ന് മുന്നേറുകയാണ്. വൈശാഖ് എലൻസ് സംവിധാനം ചെയ്ത ഈ ഹൊറർ കോമഡി എന്റർടെയ്നർ, മലയാള സിനിമയിൽ ഒരുപാട് നാളുകൾക്ക് ശേഷം എത്തിയ ഒരു വ്യത്യസ്ത അനുഭവമാണ് സമ്മാനിക്കുന്നത്. ഷറഫുദ്ദീനും ഐശ്വര്യ ലക്ഷ്മിയും പ്രധാന കഥാപാത്രങ്ങളായി എത്തിയ ഈ ചിത്രം, നവംബർ 21-ന് തിയറ്റർ റിലീസ് ചെയ്തതിന് ശേഷം, ഇപ്പോൾ 123 തിയറ്ററുകളിൽ നിറഞ്ഞ സദസ്സിനെ സാക്ഷിയാക്കി പ്രദർശനം തുടരുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സാൻജോ ജോസഫിന്റെ തിരക്കഥയിൽ നർമ്മത്തിന് പ്രാധാന്യം നൽകി എത്തിയ ഈ ചിത്രം, പ്രേക്ഷകരെ ചിരിപ്പിക്കുന്ന നിരവധി രംഗങ്ങൾ കൊണ്ട് സമ്പന്നമാണ്. യുവാക്കളും കുട്ടികളും കുടുംബ പ്രേക്ഷകരുമെല്ലാം ഒരുപോലെ ആസ്വദിക്കുന്ന ഈ ചിത്രം, മറ്റ് വമ്പൻ റിലീസുകൾ എത്തിയിട്ടും തന്റെ സ്ഥാനം നിലനിർത്തുന്നു. നാലാം വാരത്തിലേക്ക് കടക്കുമ്പോൾ ചിത്രത്തിന്റെ വേൾഡ് വൈഡ് കളക്ഷൻ 18 കോടി രൂപയായി ഉയർന്നിരിക്കുന്നു. കൂടാതെ, ഇരുപതോളം അധിക തിയറ്ററുകളിൽ ചിത്രം പ്രദർശനം ആരംഭിച്ചിട്ടുണ്ട്.

ജോമിൻ മാത്യു, ഐബിൻ തോമസ്, രാഹുൽ ഇ. എസ് എന്നിവർ ചേർന്ന് നിർമ്മിച്ച ഈ ചിത്രം, ഹാങ്ങ് ഓവർ ഫിലിംസും എ ആൻഡ് എച്ച് എസ് പ്രൊഡക്ഷനും സംയുക്തമായാണ് നിർമ്മിച്ചത്. സണ്ണി ഹിന്ദുജ, അജു വർഗീസ്, ജഗദീഷ്, ജോണി ആന്റണി തുടങ്ങി നിരവധി പ്രഗത്ഭരായ കലാകാരന്മാർ ചിത്രത്തിൽ അണിനിരക്കുന്നു. ജേക്സ് ബിജോയിയുടെ സംഗീതവും, പ്രവീൺ കുമാറിന്റെ ഛായാഗ്രഹണവും ചിത്രത്തിന്റെ മികവ് വർദ്ധിപ്പിക്കുന്നു. കേരളത്തിൽ ഡ്രീം ബിഗ് പിക്ച്ചേഴ്സും, ഓവർസീസിൽ ഫാഴ്സ് ഫിലിംസുമാണ് ചിത്രം വിതരണം ചെയ്യുന്നത്.